Kinguppaat akitsuusiissutaasa tiguniarneqartarnerat pillugu Namminersornerullutik oqartussat nalunaarutaat nr. 13, 21. december 1984-imeersoq.

Namminersornerullutik Oqartussat nalunaarutaanni nr. 11-imi 21. december 1984-imeersumi inuutissarsiutigalugu aalisarnermut tunngasumi 10 najoqqutaralugu kinguppaat piniarneqartut kalaallit tunisassiorfiini suliarisassanngorlugit nunnigunneqartussaanngitsut akitsuutaasa tiguniarneqartarnerat atorunnaarsinneqartarnerallu pillugit aalajangersakkat makku aalajangersarneqarput.

 

1. Nalunaarummi pineqarpoq angallatit 80 BRT taakkulu qaangerlugit angissusillit, kinguppattaminnik uutitigaanngitsunik kalaallit tunisassiorfiini suliarisassanngorlugit tamakkiisumik nunnigussisartuunngitsut aamma nalunaarut nr. 7, 3. december 1984-imeersoq tunngavigalugu 1985-imi kinguppanniarsinnaanermut akuerisissummik tunineqarsimasut atorlugit kinguppanniarnermi piginneqatigiiffinnit inunnillu ataasiakkaanit akitsuusiissutit tiguniarneqartarnerat.

2. 1985-imi aningaasatigut inatsimmi 1985-imut akitsuusiissut kg-mut kr. 0,80-imut aalajangiunneqarpoq kinguppattanut kalaallit Nunaanni tunisassiorfinni suliarisassanngorlugit tunineqartuunngitsunut.

3. Akitsuusiissut qaammatit pingasut qaangiunnerisigut   akiliuteqartitsigallarnikkut tiguniarneqartassaaq, tassani tunngavigineqarlutik pisat nunami suliareqqitassanngorlugit nunnigussassaanngitsut.
Imm. 2. Kvartalimut siullermut akitsuusiissutip 50%-ia 15. maj 1985 akilerneqassaaq.
Imm. 3. Kvartalit aappaannut akitsuusiissutip 80%-ia 15. august 1985 akilerneqassaaq.
Imm. 4. Kvartalip pingajuannut akitsuusiissutip 80%-ia 15. november 1985 akilerneqassaaq.
Imm. 5. Kvartalit sisamaannut ukiumut akiliinermut atatillugu akiligassaq 15. februar 1986 akilerneqassaaq.
Imm. 6. Akiligassap akilerneqartussanngornerata kingorna ullut 30-t qaangiutsinnagit akiligassaq akilerneqarpat akiliineq akiliiffissamik eqquinertut naatsorsuutigineqassaaq.

4. Paasissutissat kingusinnerusukkut saqqummiunneqartut takutippassuk, tassunga ilanngullugu tunisaqarnermi naatsorsuuteqarnermilu paasissutissat, 3, imm. 5 tunngavigalugu akitsuusiissutinik naatsorsuinermi 1985-imi pisat annertussusiinik paasissutissat eqqunngitsumik naatsorsorluagaanngitsulluunniit tunngavigineqarsimasut. akuersissummik piginnittoq 1986-ip naanissaa tikillugu inaarutaasumik akiliuteqartinneqarsinnaavoq.

5. akuersissummik piginnittoq pisussaatitaavoq kinguppanniareernerit tamaasa Kalaallit Nunaanni Akuersissuteqarnermut Nakkutilliisuutitanut pisanut paasissutissanik nassiussaqarnissamut. Paasissutissani takuneqarsinnaassapput pisat tamakkerlugit qanoq annertutiginerat kiisalu taakkunanit kinguppaat qanoq annertutigisut uunneqanngitsut Kalaallit Nunaanni tunisassiorfinnut nunnigunneqarsimanersut.
Imm. 2. Akuersissummik piginnittoq nalunaaruteqanngitsoorpat amigartunilluunniit nalunaaruteqarpat akitsuusiissutissaq akiliutigineqarallartorlu pisassatut akuersissutit pisarissamaakkalluunniit tunngavigalugit naatsorsorneqarsinnaapput.

6. Ajutoornermi, sivisuumik amutsivimmiinnermi imaluunniit assigisaanik immikkut nammineq pisuussutiginnisamik pisoqarsimatillugu Aaalisarnermut Suliffissuaqarnermullu Naalakkersuisup akuersissutigisinnaavaa tamakkiisumik ilaannakortumilluunniit akitsuusiissummik akiliinngitsoorsinnaanissaq.
Imm. 2. Aalisarnermi aningaasarsiassatigut akitsuusiissuteqarfissatigut piffissami akitsuusiissuteqarfissami periarfissat ajortunngoriangaarsimatillugit Aalisarnermut Suliffissuaqarnermullu Naalakkersuisoq aamma taamatut akuerisissuteqarsinnaavoq tamakkiisumik ilaannakortumilluunniit akitsuusiissummik akiliinngitsoornissamik.
Imm. 3. Imm. 1 aamma 2 tunngavigalugit qinnuteqaatit akuersissuteqarfigineqarsinnaanerat tunngavissaqanngippat immikkut ittutigut Aalisarnermut Suliffissuaqarnermullu Naalakkersuisoq akitsuusiissutip akilerneqarnissaanik kinguartitsisinnaavoq.

7. Akuersissut Naalakkersuisunut Ilaassortamit arsaarinnissutigineqarsinnaavoq akitsuusiissutip akilerneqartussanngorsimasup akilerneqarnissaata tungaanut.

8. Nalunaarutip unioqqutinneqarnera akiliisitsinermik aamma/imaluunnit akuersissummik arsaarneqarnermik kinguneqarsinnaavoq. Suliassallu ingerlanneqartassapput Inatsisartut inatsisaanni nr.11-imi 21. november 1984-imeersumi inuutissarsiutigalugu aalisarnermut tunngasumi maleruagassat malillugit.

9. Nalunaarut atortuulerpoq 1. januar 1985.




Nuuk, ulloq 21. december 1984.




Lars Emil Johansen

/

Emil Abelsen