Namminersornerullutik Oqartussat nalunaarutaat nr. 14, 21. december 1984-imeersoq allorniusat 6800'N-ip aamma 7045'N-ip akornanni 5600'W-ip kangiani kinguppanniarnermut tunngasoq.

Inatsisartut inatsisaat nr. 11 21.november 1984-imeersoq inuutissarsiutigalugu aalisarnermut tunngasoq najoqqutaralugu aalajangersarneqarpoq:

 

1. Allorniusat 6800'N-ip aamma 7045'N-ip akornanni 5600'W-ip kangiani kinguappanniartoqarsinnaavoq angallataannaat kinguppannik uutiterivissatut sananeqarsimanngitsut atorlugit.

2. 1985-imi allorniusat 7045'N-ip 6930'N-illu akornanni 5600'W-ip kangiani ("Raajakarsi avannarleq") angallatit 80 BRT/80 BT-inik annerusut annerpaamik 1000 tonsinik igeqqitat ilanngullugit kinguppassinnaanissaat aalajangersarneqarpoq.
Imm. 2. 1985-imi allorniusat 6930'N-ip 6800'N-illu akornanni 5600'W-ip kangiani ("Raajakarsi kujalleq") angallatit 80 BRT/80 BT-inik annerusut annerpaamik 3000 tonsinik igeqqitat ilanngullugit kinguppassinnaanissaat aalajangersarneqarpoq.
Imm. 3. Sumiiffinni pineqartuni pisassarititaasut tamarmik pisarineqarpata aalisarneq unitsinneqassaaq. Tamanna pillugu Aalisarnermut Suliffissuaqarnermullu Naalakkersuisoq radiokkut tusagassiutitigullu nalunaaruteqassaaq.

3. Nalunaarummi matumani aalajangersakkanik unioqqutitsinerit mianersoqqussummik, akiliisitaanermik akuersissummilluunnit arsaagaanermik kinguneqarsinnaapput. Suliassat taamaattut suliarineqartassapput Inatsisartut inatsisaat nr. 11, 21. november 1984-imeersoq inuutissarsiutigalugu aalisarnermut tunngasumi maleruagassat malillugit.

4. Nalunaarut saqqummiunneqarnermini atortuulissaaq. Taanna ilutigalugu Namminersornerullutik Oqartussat nalunaarutaat nr. 18 30. december 1983-imeersoq 6800'N-ip aamma 6915'N-ip akornanni 5600'W-ip kangiani kinguppanniarnermut tunngasoq atorunnaarsinneqarpoq.




Nuuk, ulloq 21. december 1984.




Lars Emil Johansen

/

Emil Abelsen