Inatsisartut peqqussutaat nr. 5, 22.november 1984-imeersoq kalaallit tunisassiaasa avammut nioqqutigineqartarnerat pillugu akuersissuteqartarnermut.

Kalaallit tunisassiaannik tunisassiorneq nioqquteqarnerlu pillugu Kalaallit Nunaannut inatsit 28. marts 1984-imeersoq najoqqutaralugu aalajangersakkat makku matumuuna aalajangersarneqarput:

 

1. Peqqusummi pineqarput namminersorlutik inuutissarsiummik ingerlatsivinniit aamma pisortat pigisaanniit tunisassasiat avammut nioqqutigineqarnerat tamarmi, Kalaallit Nunaanni tunisassianik pisiortortartunut, atuisartunut imaluunniit suliarinnittartunut.

2. Tunisassassiat Kalaallit Nunaanni pinngortut inuutissarsiutigalugu avammut nioqqutigineqarnerat aatsaat pisinnaavoq Aalisarnermut Suliffissuaqarnermullu Naalakkersuisup akuersissuteqarneratigut.

3. Akuersissut inunnut ataasiakkaanut, imaluunniit piginneqatigiiffinnut tunniunneqarsinnaavoq piffissamat aalajangersimasumut imaluunniit nassiussanut ataasiakkaanut atortussanngorlugu.
Imm. 2. Akuersissut uterteqquneqarsinnaavoq ilimagineqarsinnaappat akuersissummik piginnittoq pissusissamisoortumik sullivik akuerisaasoq pilersissinnaanngikkaa, imaluunniit atatiinnarsinnaanngikkaa.

4. Aalisarnermut Suliffissuaqarnermullu Naalakkersuisoq avammut tunisaqarnermut akuersissutinik tunniussisarnermut tunisassianillu Kalaallit Nunaanni pinngorfeqartunik avammut tunisaqarnermut aaqqiissutissanik erseqqinnerusunik maleruagassaliorsinnaavoq, tassunga ilanngullugu paasissutissanik sanioqqutsisinnaaneq avammut tunisaqarnissamik akuersissuteqarnissamik aalajangiinisaq pingaaruteqartillugu.

5. Peqqussummi 2-mik unioqqutitsineq akiliisitaanermik kinguneqarsinnaavoq.
Imm. 2. Peqqussut tunngavigalugu maleruagassiani atortuulersinneqartuni aalajangersarneqarsinnaavoq, maleruagassiat aalajangersagartaannik unioqqutitsineq akiliisitsinermik kinguneqarsinnaasoq.
Imm. 3. Aktieselskabit, anpartselskabit, andelsselskabit assigisaaluunniit unioqqutitsisimatillugit piginneqatigiiffik taamatut akiliisussanngortitaanermik akisussaatinneqarsinnaavoq.

6. Peqqussummi 2-mik unioqqutitsineq, imaluunniit peqqussut naapertuutigalugu maleruagassiani atortuulersinneqartuni aalajangersakkat unioqqutinneqarpata pinerluttaalisitsinermut inatsisip arsaarinninnissamut aalajangersagartai atortinneqarsinnaapput.

7. Peqqussut atuutilissaaq 1. januar 1985.




Nuuk, ulloq 22. november 1984.




Jonathan Motzfeldt

/

Lars Emil Johansen