Kalaallit Nunaata Inatsisartui pillugit Inatsisartut inatsisaata nr. 1, 7. maj 1979-imeersup Inatsisartut inatsisaatigut nr. 9 18. oktober 1982-imeersukkut allanngortinnecartup allanngortinneqarnera pillugu inatsisartut inatsisaat nr. 1 21. marts 1984-imeersoq.

Inatsisartut inatsisaanni imaattunik allanngortitsisoqarpoq:

1.

1. 4, imm. 2-tut nutaatut imaattoq ilanngunneqassaaq:
"Inatsisartulli amerlanerussuteqarluarlutik aalajangiisinnaapput naalakkersuisut naalakkersuisunulluunniit ilaasortat ataasiakkaat sulisussaajunnaarsitaassasut qinersiviup sinnerani atuuttussamik 5, imm. 2-mi patsisissaatitaasunit allaasumik patsiseqartumik. Ataatsimeeqqaarnermi naalakkersuisussanik qinersinermi maleruagassat taakkuusut malillugit nutaamik qinersisoqassaaq."

2. 4, imm. 3-tut nutaatut imaattoq ilanngunneqassaaq:
"Naalakkersuisut qinersiviup ingerlanerani tatiginninnginnermik patsiseqartumik tunuarunik inatsisartut akuersineratigut inatsisartunut nutaamik qinersisitsisinnaapput. Naalakkersuisut naalakkersuisussanik nutaanik qinersisoqarserlugu naalakkersuisuugallassapput. Naalakkersuisuugallartut taamaallaat ingerlatsinerup nalinginnaasup ingerlaqqinnissaanut pisariaqartunik iliuuseqarsinnaapput."

3. 4, imm. 4-tut nutaatut imaattoq ilanngunneqassaaq:
"Naalakkersuisunut ilaasortat ataasiakkaat arlallilluunniit imm. 2-mi patsisissaatitaasunik patsiseqartumik sulisussaajunnaarsinneqarpata, tunuareernerminni akissarsiassaat pillugit Inatsisartut aalajangiissapput, taakkuli minnerpaamik qaammatini 3-ni akissarsiassaasa annertoqatigissavaat."

4. Matuma kingorna maannakkut 4, imm. 2 tassaalissaaq 4, imm. 5.

 

2.

Inatsisartut inatsisaat una atsiorneqarnermini atortuulerpoq nutarterneqassallunilu kingusinnerpaamik Inatsisartut 1984-imi ileqquusumik ukiakkut ataatsimiinneranni.




Namminersornerullutik oqartussat 21 marts 1984




Moses Olsen

/

John E.Jensen