Kalaallit Nunaanni kulbrint-isiornerit isumagineqarnissaannut selskab-iliornermut Inatsisartut inatsisaat nr. 10, 22. oktober 1984-imeersoq.

 

1. Naalakkersuisut piginnaatinneqarput Kalaallit Nunaannut minister-imik isumaqatigiissuteqarnissaannut Kalaallit Nunaanni kulbrint-isiornerni danskit kalaallillu ataatsimoorlutik naalakkersuisutigut peqataanerisa isumagineqarnissaannut aktie-nik piginneqatigiiffimmik aallarniinissamik aallarniinermilu aktie-nik aningaasaatinut Namminersornerullutik Oqartussat aningaasaleeqataatinnissaannut.

2. Aktie-nik aningaasaatit selskab-ip aallarnerneqarnerani 25 mill. kr.-usussat pisussaaffiliunneqassapput pigineqassallutillu Kalaallit Nunaanni Namminersornerullutik Oqartussanit Naalakkersuisutigut naalagaaffimmillu Kalaallit Nunaannut minister-ikkut aveqatigiillugit.
Imm. 2. Namminersornerullutik Oqartussat naalagaaffiullu aningaasat selskab-imik piginneqataasutut pissarsiassaat Kalaallit Nunaanni aatsitassanik atortussiassat pillugit november-ip 29,-anni 1978-imi inatsimmi nr. 585-imi 26-mi aalajangersagaallutik ilaapput.

3. Naalakkersuisut ukiumut naatsorsuutit akuerisat ukiumullu nalunaarutit Inatsisartunut paasissutissatut nassiuttassavaat.
Imm. 2. Selskab-i ukiumut ataasiarluni ukiumi qaangiuttumi selskab-ip sulineranut aammalu ukiumi tullissami taamatullu siunissamut ungasinnerusumut suliniarnissanut pilersaarusiukkanut tamakkualu aningaasalersornissaannut pilersaarusianut nassuiaasiortassaaq. Naassuiaat taanna Naalakkersuisut ukiumut naatsorsuutinut ukiumullu nalunaarutinut peqasiullugu nassiuttassavaat, tak. imm. 1.
Imm. 3. Selskab-ip aamma Naalakkersuisut aqqutigalugit  Inatsisartut paasissutissittassavai selskab-imi atugassanik aalajangiinernik inuiaqatigiinnut pingaaruteqarluinnarsorineqartunik imaluunniit selskab-ip sulinerata iluarsartuunneqarnerata allannguutissarujussuinik pissusilimmik kinguneqartussanik.
Imm. 4. Suliassani imm. 2-mut 3-mullu ilanngunneqartuni Naalakkersuisut aalajangersinnaavaat, Inatsisartuni oqallinneq matoqqasumik ingerlanneqassasoq.

4. Inatsisartut inatsisaat erniinnaq atulerpoq.




Kalaallit Nunaanni Namminersornerullutik Oqartussat, ulloq 22. oktober 1984




Jonathan Motzfeldt

/

Alibak Steenholdt