Namminersornerullutik Oqartussat nalunaarutaat nr. 1, 12. januar 1987-imeersoq aalisarnermut, piniarnermut aallaaniarnermullu allagartanut tunngasoq.

Inatsisartut inatsisaanni nr. 11, 21. november 1984-imeersumi inuutissarsiutigalugu aalisarnermut tunngasumi, 3, imm. 4 aamma Inatsisartut inatsisaanni nr. 12-imi 22. november 1984-imeersumi inuutissarsiutigalugu piniarnermut aallaaniarnermullu tunngasumi 3, imm. 3 naapertorlugit aalajangersarneqarpoq:

 

1. Aalisarsinnaanermut allagartaq imaluunniit piniarsinnaanermut aallaaniarsinnaanermullu allagartaq 1986-ip ingerlanerani imaluunniit 1. oktoberi 1987 nallertinnagu atorsinnaajunnaarpat nalunaarut manna iluaqutigalugu atorsinnaaffia 1. oktoberi 1987-ip tungaanut sivitsorneqassaaq.

2. Aalisarsinnaanermut allagartat imaluunniit piniarnermut aallaaniarnermullu allagartat 1986-imi imaluunniit 1. september 1987 nallertinnagu tunniunneqarsimasut 1. oktoberi 1987-ip tungaannaanut atorsinnaapput.

3. Nalunaarut ingerlaannartumik atulersinneqarpoq.
Imm. 2. Taanna ilutigalugu Namminersornerullutik Oqartussat nalunaarutaat nr, 32, 19. december 1985-imeersoq aamma nr. 19, 11. juni 1986-imeersoq aalisarsinnaanermut, piniarsinnaanermut aallaaniarsinnaanermullu allagartanut tunngasut atorunnaarsinneqarput.




Nuuk, ulloq 12. januar 1987




Moses Olsen

/

Einar Lemche