Namminersornerullutik Oqartussat nalunaarutaat nr. 7, 16. marts 1987-imeersoq nalunaarutip nr. 13 2. april 1985-imeersup allannguutissaa, teknikkikkut piujuaannartitsiniarnikkut aalisarnerup iluarsartuussivigineqarnissaanut tunngasoq.

 

1.

Nalunaarummi nr. 13 2. april 1985-imeersumi teknikkikkut piujuaannartitsiniarnikkut aalisarnerup iluarsartuussivigineqarnissaanut tunngasumi una allanngortinneqassaaq:

8 ima oqaasertalerlugu:
"Qalorsuit natersiutit atorlugit Tunumi aalisarfinni aalajangersimasuni kilisanneq inerteqqutaavoq allorniusat sanimukartut 6700'N-ip nalaani titarnerillu ammukartut uku akornanni:
- 6700'N, 3200'W
- 65040'N, 3200'W
- 65030'N, 3310'W
- 6510'N, 3400'W
- 6510'N, 3500'W
- 6420'N, 3620'W
- 6355'N, 3645'W
- 6331'N, 3845'W
- 6327'N, 3930'W
- 6345'N, 3930'W
- Tunumi 6345'N-ip nalaani.
Imm. 2. Angallatit Kitaani suluppagarniarsinnaatitaasut saarullinniarsinnaatitaanngitsullu 1. januar 1988-ip kingorna allorniusat sanimukartut 6430'N-ip nalaani titarnerillu uku akornanni suluppaagarniaqqusaajunnaarput:
- 6430'N, 5500'W
- 6130'N, 5030'w
- Kitaani 6130'N-ip nalaani."

 

2.

Nalunaarut ingerlaannartumik atortuulerpoq.
Imm. 2. Taanna ilutigalugu Namminersornerullutik Oqartussat nalunaarutaat nr. 17, 9. maj 1986-imeersoq nalunaarummut nr. 13, 2. april 1985-imeersumut teknikkikkut piujuaannartitsiniarnikkut aalisarnerup iluarsartuussivigineqarneranut tunngasoq atorunnaarsinneqarpoq.




Nuuk, ulloq 16. marts 1987



Moses Olsen

/

Einar Lemche