Namminersornerullutik Oqartussat nalunaarutaat nr. 14, 25. maji 1987-imeersoq aalisakkanik, piniakkanik savaateqarnermilu tunisassianik tunisaqarnermi nalunaaruteqartarnermut tunngasoq.

Inuutissarsiutigalugu aalisarneq pillugu Inatsisartut inatsisaanni nr. 11-imi 21. november 1984-imeersoq 16, inuutissarsiutigalugulu piniarneq aallaaniarnerlu pillugit aamma Inatsisartut inatsisaanni nr. 12-imi 22. november 1984-imeersoq 6 aamma 7 naapertorlugit uku aalajangersarneqarput:

 

1. Nalunaarummi pineqarput:
a) Kalaallit Nunaata imartaani aalisarfiusumi angallatinit aalisakkat, uiluiit, saattussat kinguppaallu pisat.
b) Miluumasut timmissallu pisat tunisassiat.
c) Savaateqarnermi tunisassiat assigisaallu.

2. Siullermeerutaasumik 1-imi taaneqartunik  aalisakkanik, piniakkanik savaateqarnermilu tunisassianik tunitsivimmut, nunami umiarsuarmiluunniit, tunisisup tunitsivini ilanngussami maleruagassat naapertorlugit paasissutissanik nalunaaruteqarfigissavaa.

3. Tunitsivik, nunamiittoq umiarsuarluunniit,   siullermeerutaasumik 1-imi taaneqartunik aalisakkanik, piniakkanik savaateqarnermiluunniit tunisassianik pisisup aalisarnermut suliffissuaqarnermullu naalakkersuisoq pisiat pillugit paasissutissanik nalunaaruteqarfigissavaa, tamanna pillugu ilanngussami maleruagassat takukkit.
Imm. 2. Paasissutissat nalunaarutit imm. 1-imiittut paasissutissallu 2-miittut ataatsikkut nassiunneqartassapput.

4. Naalakkersiusunut ilaasortap paasissutissatut nalunaarutit, tak. 3, Kalaallit Nunaanni Aalisarnermik Avatangiisinillu Misissuisoqarfimmut ingerlateqqissinnaavai.

5. Nalunaarummi matumani aalajangersakkanik taakkununngalu atasumik ilanngussamik unioqqutitsineq akiliisitsinermik kinguneqarsinnaavoq.

6. Nalunaarut ingerlaannaq atuutilerpoq.
Imm. 2. Taama ilutigalugu Kalaallit Nunaannut Ministereqarfiup nalunaarutaa 7. juli 1979-imeersoq aalisariutit minnerusut pisaannik nalunaarutiginnittarnermut tunngasoq atorunnaarsinneqarpoq.




Nuuk, 25. maj 1987




Moses Olsen

/

Einar Lemche


Ilanngussaq (pdf-format)