Namminersornerullutik Oqartussat nalunaarutaat nr. 25, 9.november 1987-imeersoq, kommunit aamma immikkoortut pilersaarusiorneqartarnerannut tunngasoq.

Inatsisartut peqqussutaanni nr. 6-mi 19. december 1986-meersumi, nunaminertat atorneqarnerannut pilersaarusiornermullu tunngasumi inatsisartut peqqussutaatigut nr . 1-kut 18. juni 1987-imeersukkut allanngortinneqartumi 3 naapertorlugu aalajangersarneqarpoq

 

Kapitali 1.
Siunertaq.

1. Kommunalbestyrelsip nalunaarummi matumani aalajangersakkat naapertorlugit pilersaarusiornermigut ingerlatsinermigullu aammalu nuna tamakkerlugu pilersaarusiortuunermi killissarititaasut iluanni pisussaaffigaa kommunimi ineriartortitsinermut, Nunaminertat atorneqarnerat pilersaarusiornerlu pillugit Inatsisartut peqqussutaanni nr. 6-mi 19. december 1986-imeersumi, Inatsisartut peqqussutaanni nr . 1-mi 18. juni 1987-imeersumi allanngortinneqartumi, siunertamut naapertuuttumik peqataassalluni.

 

Kapitali 2.
Kommunini pilersaarusiorneq.

2. Kommunalbestyrelsip pisussaaffigaa kommunimi illoqarfittut nunaqarfittullu sanaartorfiusut iluini nunaminertat atorneqarnissaannut pilersaarutit, sanaartorfiusunullu taakkununnga attuumassuteqartumik allilerivissat aammalu nunaminertat sukisaarsarfiit eqqarsaatigalugit, pissarsiarineqarnissaat.
Imm. 2. Kommunalbestyrelsip, imm. 1-mi pilersaarusiortussaanermut pisussaaneq taaneqartoq, eqquutitissavaa kommunimut pilersaarusiornermigut. Kommunimi pilersaarusiorneq makkuninnga imaqarpoq:
1) Kommunimi nunaminertamik illoqarfittut aamma nunaqarfittut sanaartorfiusunut aammalu taakkununnga attuumassuteqartumik allilerinermi sanaartorfissanut aamma sukisaarsarfissanut pilersaarut (illoqarfiup aamma nunaqarfiup immikkoorsitigaanera), taassumani taaneqarsimassallutik nunaminertanik atuinissamut aamma sanaartornermut najoqqutassat pingaarnerit (tak. 4) .
2) Kommunimi illoqarfigisap atorneqarnissaanut pilersaarut, tassani illoqarfiup ilusissaanut tunngaviit aalajangersarneqartarlutik aammalu illoqarfiup iluani pilersaarutip imarisaasa killiliivigineqartarnerat (tak. 5).
3) Kommunimi pilersaarutip tunngaviisa nassuiarneqartarneri kommunimilu alliartortitsinermi siunertat (tak. 6).
Imm. 3. Kommunimi pilersaarut nuna tamakkerlugu pilersaarusiornermut akerliussanngilaq.

 

Killissarititaagallartut.

3. Kommunalbestyrelsimik isumaqatiginninniareernikkut Naalakkersuisut kommunimut pilersaarusiornissamut siunnersuusiornissami piffissaliussanik aalajangersaasinnaapput.
Imm. 2. Naalakkersuisut akuersissutigisinnaavaat illoqarfimmut pilersaarutip aammalu allatut iliorluni pilersaarusiornerup illoqarfigisap iluani pilersaarutit imarisaannut killiliisuunissaat aammalu nunaminertanik atuinissamut akuersissuteqartarnermi, kommunimut piler saarutip akuersissuteqarfigineqarnissaata tungaanut, tunngaviunissaa.
Imm. 3. Imm. 2 najoqqutaralugu akuersissutiginnittoqariitsiarneratigut kommunalbestyrelse tamatumunnga tunngasumik tamanut takutitassiamik nalunaaruteqassaaq. Killiliussassatut akuersissutigineqartut tamanit takuneqarsinnaasariaqarput.

 

Kommunimi pilersaarutit imarisaat.

4. 2, imm. 2, nr. 1-mi pilersaarutitut taaneqartumi kommunalbestyrelsip nunaminertamut atuinissamut akuersissutiginnittartuunera pineqartillugu immikkoortoq nunaminertaq killiliivigineqartarpoq. (Illoqarfiup aamma nunaqarfiup immikkoorsitigaanera).

5. 2, imm. 2, nr. 2-mi kommunimi illoqarfiup ilusiligaanerata tunngavia aalajangersarneqartarpoq ataatsimut eqikkaalluni makkua pilersaarusiorneqarnerisigut:
1) I1loqarfimmi inuiaqatigiit illuliortiternikkut suliffissaliornikkullu, allilerivigineqarnerat, tamatumunngalu ilanngullugu allilerinerup taamaattup, tamanna ajornanngikkaangat, tulleriiaarneqarnera,
2) Sullissiviit pisortallu allatigut sullissivii,
3) Umiarsualivinni ingerlatsiviit sanaartukkallu angallannermut attuumassuteqartut,
4) Immikkut naammassisassartalikkamik immikkoortortat,
5) Ingerlassiviit il.il. inissisimaneri, pinngortitap illersorneqarnissaa pissutigalugu immikkut ittunik piumasaqaateqarfigineqartariaqartut,
6) Immikkoortut sanaartorfigeqquneqanngitsut sunngiffimmilu sammisassaqartitsinermut sanaartukkat anginerusut,
7) Pisortat pilersuiviutaat teknikkikkullu sanaartukkat allat,
8) Nunaminertat eqqissisimatitsinermut inatsimmi siunertamut naapertuuttumik atorneqarneri,
9) Nunaminertanik atuinerit allat, tamatumunnga ilanngullugit ujaqqat, ujaraaqqat pinngortitamilu atorneqarsinnaasut allat atorneqarnerannut atasumik nunaminertamik atuineq.
Imm. 2. 2, imm. 2, nr. 2-mi illoqarfigisap iluani pilersaarutit imarisaannut killiliussat taaneqartut illoqarfigisap immikkoortuinut ataasiakkaanut makkununnga tunngatillugu aalajangersarneqassapput:
1) Nunaminertat sanaartorfiullu atorneqarneri,
2) Sullissiviit pisortallu sullissivii allat,
3) Immikkoortortami allanngutsaaliuiniarluni iliuusaajunnartut, tamatumunnga ilaallutik illut, sanaartukkat, illoqarfimmi pinngortitaq il.il. eqqissisitaasut imaluunniit eriagisariallit.
4) Immikkoortortat sanilerisat mianersuunneqaratarsinnaaneri,
5) Immikkoortortami nunaminertap atorneqarnissaanut sanaartornermullu tunngavissaajunnartut, tamatumunnga ilaallutik pinngortitap illersorneqarnissaanut   piumasaqaatit,
6) Pissutsinut immikkoortortami nunaminertamik atuinermut aammalu sanaartukkanut navianartorsiortitsisinnaasunut isumannaallisaataasinnaasut,
7) Pissusiujunnartut allat, s.ass. ingitserinerit illoqarfiullu nutarterneqarnera, immikkoortortami nunaminertamik atuinermut sanaartornermullu sunniuteqarsinnaasut,
8) Immikkoortortap initussusia,
9) Immikkoortortap sanaartorfigineqarnera, tamatumunnga ilaalluni s.ass. sanaartornerup suussusaa, aggugaanera ilusaalu, nunagissaanerit il.il. pillugit aalajangersakkat.
10) Immikkoortumi nunaminertat sanaartorfigineqaqqusaanngitsut sunngiffimmilu sammisassaqartitsinermi sanaartugaajunnartut,
11) Immikkoortortami pingaarnerusukkut sanaartukkanut angallassinermut attuumassuteqartumut aamma pilersuinermi teknikkikkut sanaartukkanut atassusiinerit,
12) Immikkoortortap naafferartumik allileriffigineqaratarsinnaanera.
Imm. 3. Iliuusissanut pilersaarusiornermissaaq maleruagassat allat nunaminertap atorneqarnissaanut aamma sanaartukkamut pingaaruteqartut aalajangersarneqarsinnaapput.

6. 2, imm. 2, nr. 3-mi nassuiaatissatut taaneqartoq makkuninnga imaqarsinnaavoq:
Killiffiup ilaa, tamatumunnga ilaallutik makku nassuiarneqarneri :

- pissutsit atuutereersut, ilaatigut tassaasut inuttussutsimut aamma inuutissarsiutitigut ilutsimut tunngasut,
- pissutsit nunap aamma sanaartukkat pissusaannut tunngasut,
- immikkoortortap manna tikillugu pilersaarusiorfigineqarnera.

Pilersaarutip nassuiarneqarnerata ilaa, tamatumunnga ilaallutik makku nassuiarneqarneri:
Pilersaarut tulliuttunut sanilliullugu qanoq inissisimanersoq

- immikkoortortami nuna tamakkerlugu pilersaarusiorner mut,
- pisortat immikkoortortaqarfiisa pilersaarusiornerannut,
- kommunip aningaasaqarnikkut pilersaarusiorneranut, ilaatigut illoqarfiup aamma sanaffigeriaannanngortit sinerup aningaasaliiffigineqarnerani kiisalu illoqar fiup nutarterneqarnerani piffissaliussatut pilersaarusiamut.

Siunertap ilaa, tamatumunnga ilaatillugit anguniakkat makku nassuiarneqarneri:
- inuttussutsikkut aamma inuutissarsiutitigut ineriartorneg,
- inuttut atugarisatigut, kulturikkut ilinniartitaanik kullu ineriartorneq,
- kommunimi illoqarfiup aamma nunagarfiit ineriartorneri.

 

Kommunimut pilersaarutitut siunnersuutip tamanut takusassiarineqarnera.

7. Kommunimut pilersaarutip siunnersuutitaata akuersissutiginegareerneratigut kommunalbestyrelsip siunnersuut kommunimut pilersaarusiap atuinissakkut sunniutigisassaasa nassuiarneqarnerinik ilallugu tamanut takusassiarissavaa. Kommunalbestyre Isip siunnersuutit taartigitinneqarsinnaasut tamanut takusassiarisinnaavai.
Imm. 2. Kommunalbestyrelsimi ilaasortaq kinaluunniit kommunimut pilersaarutissatut siunnersuummut akuersissutigineqartumut tunngasumik kommunalbestyrelsip aalajangerneranut imaqarniliuinermi isummaminik allaasumik ilanngusseqqusilluni piumasaqaateqarsimasoq piumasaqaateqarsinnaavoq, tamatumunnga peqatigitillugu ilaasortap pineqartup isummami allaasup, ilaasortap tamatumunnga naatsumik tunngavilersuutaanik ilallugu, kommunalbestyrelsimit tamanut takusassiarineqarnissaanik.
Imm. 3. Siunnersuut, imm. 2 naapertorluqu ikinnerussuteqartuujunnartut oqaaseqaataannik ilassusigaq, innuttaasunit ajornanngitsumik tikinneqarsinnaasumi minnerpaamik sap.ak. 12-ni tamanut takusassiarineqassaaq. Takusassiineq periuseq kommunimi atorneqarsinnaasoq atorlugu tamanut nalunaarutigineqassaaq.
Imm. 4. Nalunaarummi siunnersuummi immikkoortoq nalunaarneqarsimassaaq aammalu nalunaarutiginninnerup ullulerneqarneraniit sap.ak. 12-nit sivikinnerunngitsumik periarfissiisoqassalluni naammagittaalliortoqarsinnaaneranut aammalu siunnersuummut allannguutissanik siunnersuuteqarnissamut.
Imm. 5. Kommunalbestyrelsip pisortaaffigisassaraa paasiniaasitsinissaq, siunertaralugu pilersaarusiornerup siunertaata aammalu imarisaata pingaarnerup tamanit oqallissutigineqarnissaa.
Imm. 6. Tamanut takusassiarinninnerup peqatigisaanik siunnersuut Naalakkersuisunut nassiunneqassaaq.
Imm. 7. Kommunalbestyrelse piginnaatitaavoq pilersaarummut atortussat, kommunimi pilersaarutitut siunnersuutip tamanut takusassiarineqarneranut atasumik, tunniunneqarnerannut akiliuteqartoqarnissaanik piumasaqaateqarnissamut.

 

Kommunimi pilersaarutitut siunnersuutip akuersissutigineqarnera.

8. 7, imm. 4 naapertorlugu piffissaliussaq naappat kommunimi pilersaarutitut siunnersuut Naalakkersuisunit akuersissutigineqartussanngorlugu saqqummiunneqassaaq. Siunnersuummut ilaatinneqassapput naammagittaalliutaajunnartut aamma allannguutissatut siunnersuutit kiisalu kommunalbestyrelsip taakkununnga oqaaseqaatai.
Imm. 2. Siunnersuutip Naalakkersuisunut nassiunneqannginnerani siunnersuummut tamanut takusassiarineqartumut allannguutissatut iliuutsit kommunalbestyrelsimit suliarineqarsinnaapput. Allannguutissat, piffissami tamanut takusassiinerup nalaani allannguutissanik soqutigisaqaqataasut naliliinissamut periarfissaqarsimanngippata, kommunalbestyrelse, pineqartut tamatumunnga tunngasumik ilisimatinneqareersimatinnagit, aammalu kommunalbestyrelsimit piffissaliussap iluani tamatumunnga oqaaseqaateqarnissamut periarfissinneqarsimatinnagit, allannguuteqartitsisoqarsinnaanngilaq. Allannguutissat annertuneruppata siunnersuut allanngortinneqartoq 7-mi aalajangersakkat naapertorlugit, siunnersuut Naalakkersuisunit akuersissutigisassanngorlugu nassiunnegartinnagu, tamanut takusassiarinegassaag.

 

Kommunini pilersaarutit akuersissutigineqarnerisa tamanut nalunaarutigineqarneri.

9. Kommunimi pilersaarutitut siunnersuutip Naalakkersuisunit akuersissutigineqarnerata nalunaarutigineqarnerata tigunerata kingunitsianngua kommunalbestyrelse tamatumunnga tunngasumik tamanut nalunaaruteqassaaq. Nalunaarummi ilaatigut paasissutissiissutigineqassaaq pilersaarut, siusinnerusukkut siunnersuummut tamanut takusassiarineqartumut sanilliullugu, nikingassuteqarnersoq.
Imm. 2. Pilersaarut kikkunnit tamanit takuneqarsinnaasariaqarpoq.

 

Kommunimi pilersaarutit atortinneqarnerisa kinguneri.

10. Kommunalbestyrelsip kommunimi pilersaarutip piviusunngortinneqarnissaa suliassaraa.
Imm. 2. Kommunalbestyrelse nunaminertamik atuinissamut akuersissuteqarnissamik, qinnuteqaatigineqartoq kommunimi pilersaarummut akerliuppat, itigartitsissuteqarsinnaavoq. Taamatuttaaq akuersissuteqarnissaq itigartitsissutigineqarsinnaavoq qinnuteqaatigineqartoq 3, imm. 2, naapertorlugu killiliussatut akuersissutigineqartunut akerliuppat.

 

Kommunini pilersaarutit allanngortinneqartarneri.

11. Pisariaqartinneqarnera naapertorlugu kommunimi pilersaarut kommunalbestyrelsimit pissutsinut naleqqussarneqarsinnaavoq.
Imm. 2. Kommuninut pilersaarutini allannguuteqartoqartitsisoqartillugu -it 6, 7, 8 aamma 9 taamatuttaaq atorneqassapput. Kommuninut pilersaarutini immikkoortortanut pilersaarutinut atatillugu allannguuteqartoqartitsisoqartillugu -it 7, 8 aamma 9 taamatuttaaq atorneqassapput, taamaattorli 7, imm. 3 aamma imm. 4, naapertorlugit piffissaliussat sap.ak. 6-nut sivikillineqarsinnaapput.
Imm. 3. Imm. 1-mi aamma imm. 2-mi aalajangersakkat taamatuttaaq atorneqassapput aalajangersakkat manna tikillugu illoqarfiit pilersaarusiorneqarnerisa pissarsiarineqartarnerinut tunngasut aamma 3, imm. 2, naapertorlugu killiliussatut akuersissutigineqartut eqqarsaatigalugit.

12. Nuna tamakkerlugu pilersaarusiornerup piviusunngortinneqarnissaa qulakkeerniarlugu, aammalu kommunimi pilersaarutip imaluunniit illoqarfimmi pilersaarutip pissarsiarineqarnissai imaluunniit allanngortinneqarnissai pisariaqartutut isigineqaraangaata imaluunniit 3, imm. 2, naapertorlugu killiliussatut akuersissutigineqartut pineqartillugit Naalakkersuisut aalajangersinnaavaat Naalakkersuisut ukiuni marlunnit sivikinnerunngitsuni piffissaliussatut aalajangigaat naatinnagu kommunalbestyrelse kommunimi pilersaarummut siunnersuummik saqqummiussaqassasoq. Allannguuteqartitsinerit pineqartillugit Naalakkersuisut aalajangersinnaavat, kommunalbestyrelse, Naalakkersuisunit piffissaliussatut aalajangigaq qaangiutsinnagu, allannguutissamik, imarisai erseqqinnersuumik taallugit, siunnersuusiussasoq.
Imm. 2. Imm. 1 naapertorlugu piffissamik killiussaq kommunalbestyrelsimit eqquutitinneqanngippat Naalakkersuisut kommunimi pilersaarut imaluunniit killiliussat, 3, imm. 2, naapertorlugu akuersissutigineqartussat, imaluunniit pilersaarutini taakkunani allannguutissat kommunimit akiligassanngortillugit pissarsiariniarsinnaavai. Taamatut pisoqartillugu 2 naapertorlugu kommunalbestyrelsip pisinnaatitaaffi Naalakkersuisunit tiguneqassapput. Naalakkersuisut tamanut takusassiissapput -it 7 aamma 9 naapertorlugit.

 

Kapitali 3.
Immikkoortumut pilersaarusiorneq.

13. Imikkoortumut pilersaarusiorneq kommunalbestyrelsimit pissarsiarineqassaaq
1) illoqarfiup iluani pilersaarutitut isikkulerlugit -ni 14-19-mut aalajangersakkat naapertorlugit,
2) nunaqarfimmut pilersaarutitut isikkulerlugit 20-mi aalajangersakkat naapertorlugit,
3) aamma 21-mi aalajangersakkat naapertorlugit.
Imm. 2. Imm. 1, pkt. 1 aamma pkt. 2, naapertorlugit immikkoortumut pilersaarusiat kommunalbestyrelsimit, kommunimi pilersaarutip piviusunngortinneqarnissaa qulakkeerniarlugu tamanna pisariaqartinneqarpat, pissarsiarineqassapput. Pilersaarutitigut taakkunatigut qulakkeerneqassaaq illuliornermi- aamma sanaartornermi suliat kommunimi pilersaarutip isumaanut tunngavinnut aamma imarisaanut naapertuuttumik isumagineqarnissaat.
Imm. 3. Imm. 1, pkt. 1 aamma pkt. 2, naapertorlugit immikkoortumut pilersaarusiat kommunalbestyrelsimit, illuliornernut imaluunniit sanaartornernik sulianut anginerusunut imaluunniit annertuunut nunaminertanik tunniussilinnginnermi aamma sanaartukkat anginerusut imaluunniit annertuut ingitserneqalersinnagit, pissarsiarineqassapput.
Imm. 4. Imm. 3-mi taaneqartutut iliuusissatut kissaatigisaq kommunimi pilersaarummut naapertuuppat (imaluunniit killissarititat 3, imm. 2, naapertorlugu akuersissutigineqartut), kommunalbestyrelsip pisussaaffigaa piaarnerpaamik immikkoortumut siunnersuusiornissaq, tamatumalu kingorna suliassaq sapinngisamik nukingiullugu.
Imm. 5. Immikkoortumut pilersaarusiami ilaatinneqassanngillat aalajangersakkat kommunimi pilersaarusiamut imaluunniit 3, imm. 2, naapertorlugu killiliussanut akuersissutigineqartunut, akerliusut.
Imm. 6. Immikkoortumut pilersaarutip siunertaa pilersaarummi nalunaarneqassaaq. Pilersaarummissaaq nalunaarneqassaaq taassuma piviusunngortinneqarnissaanut apeqqutaanersoq oqartussaasunit allanit, kommunalbestyrelsiunngitsumit, akuersissuteqartoqassanersoq imaluun niit immikkut akuersissuteqartoqassanersoq.
Imm. 7. Immikkoortumut pilersaarusiaq nassuiaammik ilaqartinneqassaaq. Taassumani pilersaarutip siunertaa nalunaarneqassaaq, kiisalu pilersaarut kommunimi pilersaarummut aammalu immikkoortumi pilersaarusianut allanut sanilliullugu qanoq ittuunersoq pillugu. Pilersaarutip atortinneqarnissaani kingunerisassat, tak. -it 26 aamma 27, nassuiaammi saqqumisinneqassapput.

 

Illoqarfiup iluani pilersaarutit.

14. Nunaminertanut, i liuusissatut pilersaarummi akuersissutigineqartunut ilaasunut imaluunniit 3, imm. 2, naapertorlugu killiliussatut akuersissutigineqartunut ilaasunut kommunalbestyrelse illoqarfiup iluani pilersaarutinik, -it 14-19-mit, aalajangersakkat naapertorlugit, pissarsisinnaavoq, taamaattorli tak. 24

15. Illoqarfiup immikkoortuanut pilersaarummi pissutsit tulliini taagorneqartut pillugit aalajangersaasoqarsinnaavoq:
1) immikkoortup atorneqarnera aamma immikkoortup immikkoortukkuutaanut immikkoorsiterneqarnera,
2) pissutsit aqqusinernut aamma aqqusineeqqanut tunngasut aammalu pissutsit allat angallannermut pingaaruteqartut, tamatumunnga ilanngullugu nunaminertanut angallaffiusunut pulammaffiit aamma angallattut imminnut avissaartortinneqartarneri,
3) aqqusersuutit inissisimaffii, tamatumunnga ilanngullugit kallerup inneranik aamma kiassarnermik pilersuineq,
4) sanaartukkat atorneqarneri, annertussusii aamma inissisimaneri, tamatumunnga ilaatigut ilanngullugit illut akulikissusaasa, portussusaasa imminnullu avissaangassusaasa iluarsiivigineqartarneri, sanaartorfittut killilikkat aalajangersarneqartarneri,
5) sanaartukkat ilusilerneqarneri, tamatumunnga ilaatigut ilanngullugit qaliap ilusianut, atortut aamma qalipaatinik toqqaanerit pillugit aalajangersakkat,
6) nunaminertat sanaartorfigineqanngitsut ilusilersugaanerat, atorneqarnerat aamma aserfallatsaalineqarnerat, tamatumunnga ilanngullugit nunaminertat sanaartorfigeqqusaanngitsut, nunagissaasarneq, ungalulersuinermut tunngasut, nunap naasuisa pigiinnarneqarnissaannut iliuutsit kiisalu aqqusernit aamma nunaminertat angallaffiusut allat qaammaqqusersugaaneri,
7) nunap ilusaata pigiinnarneqarnissaanut iliuutsit, ilaatigut immikkoortortat illoqarfimmi sanaartorfinnut ilanngutitinneqartut sanaartorfigineqarnerannut tunngasut,
8) sanaartorfiit pioreersut aamma taakkua eqqaasa qaninnerpaat pigiinnarneqarnissaannut iliuutsit imaattut, sanaartukkat taamaallaat kommunalbestyrelsip akuersissuteqarneratigut ingitserneqarsinnaasut, allanngortiterneqarsinnaasut imaluunniit allatut iliorluni allanngortiterneqarsinnaasut,
9) immikkoortortat pilersaarummut ilaatinneqartut iluanni avataanniluunniit ataatsimoorussanik atassusiinissap imaluunniit pioreersunut ilanngussinissap nutaamik sanaartorfiup pigilernissaanut piumasaqaatit assai
10) nunaminertat inissiaqarfiit, inuutissarsiuteqarfiit il.il. atorneqarnissaannut piginnaatitaasut peqatigiiffinnik pilersitsineri, tamatumunnga ilanngullugit ilaasortaanissamut pisussaaneq aammalu peqatigiiffiit, nunaminertat ataatsimoorussat aamma ataatsimut sanaartukkat pilersinnissaannut, ingerlatsivigineqarnerinut aamma aserfallatsaalineqarnerinut piginnaatitaaneri aamma pisussaatitaaneri
11) aningaasaqarniarnikkut pissutsit iluarsiivigineqartarneri, tamatumunnga ilanngullugit sanaffigeriaannanngortitat immikkoortuisa tunngaviisa pingaarnerit il.il. aalajangersarneqartarneri, aammalu ataatsimoorussamik sanaartugassat il.il. pilersinneqarnissaat pillugit piumasaqaatit
12) nunaminertanik atuinissamut akuersissutit aamma taakku atorunnaartarneri kiisalu nunaminertanik atuinissamut akuersissutit atorneqarnissaannut piffissaliussat.
Imm. 2. Naalakkersuisut aalajangersarsinnaavat illoqarfiit iluini pilersaarusianut aalajangersakkat, imm. 1-mi taaneqartut avataaniittut, ilanngunneqarsinnaanerat.

 

Illoqarfiup iluani pilersaarummut siunnersuutip tamanut takusassiarineqartarnera.

16. Illoqarfiup iluani pilersaarummut siunnersuutip akuersissutigineqarnerata kingorna kommunalbestyrelsip siunnersuut, pilersaarutip imarisaasa aamma pilersaarutip atortussaanerata kingunerisassaasa naatsumik nassuiaaserneqarneranik ilallugu, tak. -it 26 aamma 27, tamanut takusassiarissavaa. Allannguutissatut siunnersuutit kommunalbestyrelsip tamanut takusassiarisinnaavai.
Imm. 2. Kommunalbestyrelsimi ilaasortaq kinaluunniit illoqarfiup iluani pilersaarutissatut siunnersuummut akuersissutigineqartumut tunngasumik kommunalbestyrelsip aalajanqerneranut imaqarniliuinermi isummaminik allaasumik ilanngusseqqusilluni piumasaqaateqarsimasoq piumasaqaateqarsinnaavoq, tamatumunnga peqatigitillugu ilaasortap pineqartup isummami allaasup, ilaasortap tamatumunnga naatsumik tunngavilersuutaanik ilallugu, tamanut takusassiarineqarnissaanik.
Imm. 3. Siunnersuut, imm. 2 naapertorlugu ikinnerussuteqartuujunnartut oqaaseqaataannik ilassusigaq, innuttaasunit ajornanngitsumik tikinneqarsinnaasumi minnerpaamik sap.ak. 6-ni tamanut takusassiarineqassaaq. Takusassiineq periuseq kommunimi atorneqarsinnaasoq atorlugu tamanut nalunaarutigineqassaaq.
Imm. 4. Nalunaarummi siunnersuummi immikkoortoq nalunaarneqarsimassaaq aammalu nalunaarutiginninnerup ullulerneqarneraniit sap.ak. 6-nit sivikinnerunngitsumik periarfissiisoqassalluni naammagittaalliortoqarsinnaaneranut aammalu siunnersuummut allannguutissanik siunnersuuteqarnissamut.

17. Siunnersuutip tamanut takusassiarineqarneranut peqatigitillugu kommunalbestyrelse Naalakkersuisunut oqartussaqarfinnullu, pilersaarummut siunnersuummik immikkut ittumik pingaartitsisunut, allaganngorlugu ilisimatitsissuteqassaaq.
Imm. 2. Ilisimatitsissummi 16, imm. 4, naapertorlugu, uparuaanissamut aamma allannguutissanik siunnersuuteqarnissamut, piffissaliussaq nalunaarneqarsimassaaq.
Imm. 3. I lisimatitsissummut ilanngullugu siunnersuut nammineq nassiunneqassaaq.

 

Illoqarfiup iluanut pilersaarutitut siunnersuutip akuersissutigivinneqarnera.

18. 16, imm. 4, naapertorlugu piffissaliussaq naappat, kommunalbestyrelsip illoqarfiup iluanut pilersaarummik nutaamik suliarinninnermigut siunnersuut akuersissutigivissinnaavaa, taamaattorli tak. -it 23 aamma 24. Nunaminertat, nalunaarut manna naapertorlugu atuinissamut pilersaarummi akuersissutigineqartumi imaluunniit 3, imm. 2, naapertorlugu killiliussani akuersissutigineqartuni, ilaatinneqanngitsut, pillugit illoqarfiup iluanut pilersaarummut siunnersuutit Naalakkersuisunit akuersissutigineqassapput.
Imm. 2. Imm. 1 naapertorlugu illoqarfiup iluanut pilersaarutitut siunnersuutip kommunalbestyrelsimi akuersissutigivinneqarnerani kommunalbestyrelsimit siunnersuut tamanut takusassiarineqarsimasoq allanngortiterivigineqarsinnaavoq. Allannguutissat, piffissami tamanut takusassiinerup nalaani allannguutissanik sogutigisaqaqataasut naliliinissamut periarfissaqarsimanngippata, kommunalbestyrelse, pineqartut tamatumunnga tunngasumik ilisimatinneqareersimatinnagit, aammalu kommunalbestyrelsimit piffissaliussap iluani tamatumunnga oqaaseqaateqarnissamut periarfissinneqarsimatinnagit, allannguuteqartitsisoqarsinnaanngilaq. Allannguutissat annertuneruppata siunnersuut allanngortinneqartoq -it 16 aamma 17-mi aalajangersakkat naapertorlugit, kommunalbestyrelse illoqarfiup iluanut pilersaarummut siunnersuummik aalajangiivissinnagu, tamanut takusassiarineqassaaq.
Imm. 3. Imm. 1 naapertorlugu kommunalbestyrelsip aalajangiivinnissaanut tunngavissanngortinneqarsinnaapput kommunimi pilersaarutip pisariaqartumik allanngortinneqarneranut akuersissuteqarnerit piviusunngortinneqarnerannik imaluunniit killiliussassatut akuersissutigineqartut 3, imm. 2, naapertorlugu.

 

Illoqarfiup iluanut pilersaarutit allajangiivigineqavinnerini/akuersissutigineqavinnerini tamanut
takusassiamik nalunaaruteqarneq.

19. 18, imm. 1, naapertorlugu aalajangiiviginnereernerup imaluunnit 24, imm. 1, naapertorlugu akuersissuteqavereernerup kingunitsianngua kommunalbestyrelse tamatumunnga tunngasumik tamanut nalunaaruteqassaag. Nalunaarummi ilaatigut paasissutissiissutigineqassaaq pilersaarut, siusinnerusukkut siunnersuummut tamanut takusassiarineqartumut sani1 liullugu, nikingassuteqarnersoq.
Imm. 2. Taamatuttaaq nalunaarutip tamanut takusassiarineqartup assilineqarnera kommunalbestyrelsimit Naalakkersuisunut pisortanullu, 17, imm. 1, naapertorlugu, siunnersuutip tamanut takusassiarineqarneranik allaganngorlugu ilisimatinneqarsimasunut, nassiunneqassaaq.
Imm. 3. Sapinngisamik piaarnerpaamik kommunalbestyrelsimit pilersaarut aalajangiunneqartoq imaluunniit akuersissutigineqartoq Naalakkersuisunut pisortanullu imm. 2-mi taaneqartunut nassiunneqassaaq.

 

Allatigut immikkoortortanut pilersaarusiorneq.

20. Kommunimi pilersaarummut akuersissutigineqartumi nunaminertat pineqartut pillugit kommunalbestyrelse kommunimi nunaqarfiit pilersaarusiorneqarnissaat isumagisinnaavaa (nunaqarfinnut pilersaarutit).
Imm. 2. Nunaqarfimmut pilersaarummi nunaqarfimmi nunaminertat aamma sanaartukkat atorneqarnissaannut najoqqutassat aalajangersarneqarsinnaapput, tak. 15, imm. 1.
Imm. 3. Nunaqarfiup iluani pilersaarutit pissarsiarineqarnissaannut aalajangersakkat, tak. -it 16-19, nunaqarfinnut pilersaarutit pissarsiarineqarnissaannut najoqqutassaapput. Taamaattorli nunaqarfinnut pilersaarutissatut siunnersuutit tamatigut Naalakkersuisunut pisortanullu, nunaqarfimmut pilersaarummut siunnersuummik immikkut soqutigisaqartunut, nassiunneqartassapput.

21. Nunaminertanut kommunimut pilersaarutip avataaniittunut kommunalbestyrelse immikkoortortamut pilersaarusiorsinnaavoq.
Imm. 2. Taamatuttaaq -ini 15-17-mi aamma 19-mi aalajangersakkat atortussaapput.
Imm. 3. Piffissaliussap 16, imm. 4-mi, aalajangersarneqartup qaangiunneratigut immikkoortortamut pilersaarummut siunnersuut Naalakkersuisunut akuersissutigisassanngorlugu saqqummiunneqassaaq. Siunnersuummut ilaatinneqassapput uparuaassuteqaataasimasut aamma allannguutissatut siunnersuutit kiisalu kommunalbestyrelsip taakkununnga oqaaseqaatai.
Imm. 4. Immikkoortortamut pilersaarutip imm. 3 naapertorlugu Naalakkersuisunit akuersissutigineqarnerani siunnersuut tamanut takusassiarineqarsimasoq Naalakkersuisunit allanngortinneqarsinnaavoq.

 

Ataatsimut aalajangersakkat.

22. Nunaminertanut kommunimut pilersaarummi akuersissutigineqartumiittunut imaluunniit 3, imm. 2, naapertorlugu killiliussanut akuersissutigineqartuniittunut, kommunimut pilersaarutip pissarsiarineqarneratigut pissutsit pilersinneqarnissaannut pinngitsoortinneqarsinnaasunut, kommunalbestyrelse inerteqquteqarsinnaavoq. Inerteqqut ukiumut ataatsimut atortussanngortinneqarsinnaavoq aammalu ataasiaannarlugu taamaalisoqarsinnaalluni.
Imm. 2. Inerteqqut tamanut takusassiaralugu nalunaarutigineqassaaq.

23. Namminersornerusuni pisortat ilaat imaluunniit naalagaaffimmi pisortat ilaat sianigisassat immikkut ittut taakku isumagisatik tunngavigalugit, uparuaassuteqarnissamut piffissaliussaq naatinnagu immikkoortortamut pilersaarummut siunnersuummut uparuaassuteqarpata pilersaarummut siunnersuut kommunalbestyrelsimit inissutaasumik, pilersaarutip imarisaasa kommunalbestyrelsimit pisortamillu pineqartumit isumaqatigiissutigineqartinnagit, akuersissutigineqarsinnaannqilaq. Taamatut isumaqatigiittoqarsinnaanngippat apeqqut Naalakkersuisunut aalajangiiffigivitassanngorlugu saqqummiunneqassaaq .

24. Naalakkersuisut aalajangersinnaapput immikkoortortamut pilersaarummut siunnersuut kommunalbestyrelsimit, 18, imm. 1, naapertorlugu akuersissutigivinneqarsinnaanngitsoq. Taamaalisoqarpat nalunaarut manna naapertorlugu taamaallaat pilersaarut inatsisinik tunngaveqartumik sunniuteqarsinnaalissaaq pilersaarummut siunnersuut aatsaat Naalakkersuisunit akuersissutigineqaruni. Taamatut aalajangernermut ilagitillugu Naalakkersuisut tamatumunnga tunngasumik kommunalbestyrelsimut, 16, imm. 4-mi, piffissaliussap qaangiutinnginnerani, nalunaaruteqassapput.
Imm. 2. Imm. 1 naapertorluqu aalajangernermut ilagitillugu Naalakkersuisut aalajangersinnaavaat, siunnersuut imaluunniit siunnersuutit tamanut takusassiarineqartut 26, imm. 1 aamma imm. 2-mi sunniutaasussatut taaneqartumik kommunalbestyrelsip siunnersuummik tamanut takusassiarinninnerata kingorna ukiuni marlunni tikillugit sunniummik taaneqartumik sunnerneqarsimassasut. Tamatumunnga peqatigitillugu Naalakkersuisut aalajangersinnaavaat, 26, imm. 2, naapertorlugu piginnaatitsissut Naalakkersuisunit tiguneqassasoq. 1. aamma 2. pkt. naapertorlugit aalajangikkat Naalakkersuisunit nalunaarutigineqassapput.
Imm. 3. Imm. 1 naapertorlugu akuersissuteqarnermut ilagitillugu Naalakkersuisut piumasaqaateqarsinnaapput pilersaarummut siunnersuummi tamanut takusassiarineqartumi allannguutissanik ilassutissani1lu sanasoqaqqullugu.

25. Nuna tamakkerlugu pilersaarusiornerup piviusunngortinneqarnissaa qulakkeerumallugu, aammalu immikkoortumut pilersaarutip pissarsiarineqarnissaa imaluunniit allanngortinneqarnissaa pisariaqartutut isigineqaraangat, Naalakkersuisut aalajangersinnaapput kommunalbestyrelse, Naalakkersuisunit piffissaliussatut aalajangigaq qaangiutsinnagu, immikkoortumut pilersaarummik, imarisai erseqqinnerusumik nalunaarlugit, sanassasoq.
Imm. 2. Naalakkersuisut aalajangersinnaapput immikkoortumut pilersaarummik namminneerlutik sananiarlutik. Taamatut pisoqartillugu kommunalbestyrelsip -it 13, 18, 22 aamma 26, imm. 2, naapertorlugit, pisinnaatitaaffii Naalakkersuisut tigussavaat. Naalakkersuisut tamanut takusassiarinnissapput -it 16, 17 aamma 19, naapertorlugit.
Imm. 3. Taamatuttaaq imm. 1 aamma 2 illoqarfiit immikkoortuinut pilersaarusianut 33, imm. 1 aamma 2, naapertorlugit atatiinnarneqartunut sananeqartunulluunniit atorneqartassapput.

 

Immikkoortortanut pilersaarutit inatsisinik tunngaveqartumik sunniuteqarfissai.

26. Immikkoortortamut pilersaarummut siunnersuut tamanut takusassiarineqarpat nunaminertat, illunik sanaat aamma sanaat, siunnersuummut ilaasut, sanaartorfigineqassanngillat imaluunniit ima atorneqassanatik, pilersaarutip inissutaasussap imarisassaannik siorngiinissamut navialisitsisinnaallutik.
Imm. 2. Piffissaliussap 16, imm. 4-mi, taaneqartup naaneratigut kommunalbestyrelse, Naalakkersuisut isumaqataanerisigut, akuersissuteqarsinnaavoq nunaminertaq, pilersaarummut siunnersuummi ilaasoq, sanaartorfigineqarsinnaasoq imaluunniit siunnersuummut naapertuuttumik atorneqarsinnaasoq.
Imm. 3. Imm. 1 aamma 2-mi aalajangersakkat pilersaarummut siunnersuutip akuersissutigivinneqarnissaata tungaanut imaluunniit akuersissutiginninnerup tamanut takusassiarineqarnissaata tungaanut, tak. 19, atorneqassapput.
Imm. 4. Siunnersuutip tamanut takusassiarineqarnerata kingorna imm. 1 aamma 2 sivisunerpaamik ukiumi ataatsimi atorneqarsinnaapput, taamaattorli tak. 24, imm. 2.

27. Immikkoortortamut pilersaarummut siunnersuutip isumaqatigiissutigineqarnera imaluunniit akuersissutigineqarnera tamanut takusassiarineqarpat, tak. 19, imm. 1, atuinissaq imaluunniit pissutsinik pilersitsinivik, pilersaarummut aalajangersakkanut akerliusoq, 31 naapertorlugu immikkut akuersissummik tunniussisoqanngippat, pissanngilaq.

28. Immikkoortortamut pilersaarutip ingerlanneqarnissaanut pisariaqarpat inooqatigiit ataatsimut iluaquissaat siunertaralugu pigisaareersunik, inooqatigiit ataatsimut iluaqutissaat siunertaralugu pigisaareersunik naalagaaffiup imminut pigisassanngortitsisarnera pillugu Kalaallit Nunaannut inatsimmi aalajangersakkat naapertorlugit, pigisassanngortitsisoqarsinnaavoq.

29. Immikkoortortamut pilersaarusiami aalajangerneqarsimappat sanaaq ingitserneqassanngitsoq, sananeqarnera allanngortinneqassanngitsoq imaluunnit allatut iliorluni kommunalbestyrelsimit akuerineqaqqaartigani allanngortinneqassanngitsoq, aammalu akuersissuteqarnissaq itigartitsissutigineqarpat, piginnittoq piumasaqarsinnaavoq taanna kommunip tamakkiisumik imaluunniit ilaannakortumik taarsiissuteqarluni tigussagaa.
Imm. 2. Taamaattorli kommune aatsaat imm. 1 naapertorlugu tigusinissamut pisussaatitaavoq, sanaap aningaasatigut iluaqutigineqarsinnaanerani aamma taassumunnga assingusumik sanaamik atuinermi aningaasatigut iluaquteqarnermi annertuunik, kisiannili ingitserinissamut imaluunniit sananeqarneranik allanngortitsinissamut inerteqqummi pineqanngitsuni, nikingassuteqartoqarpat.
Imm. 3. Isumaqatigiissitsisoqarsinnaanngippat taarsiissuteqarnissaq pigisanik aalaakkaasunik peersitsisarneq pillugu kommissionimit aalajangersarneqassaaq, tak. inooqatigiit ataatsimut iluaqutissaat siunertaralugu pigisaareersunik naalagaaffiup imminut pigisassanngortitsisarnera pillugu Kalaallit Nunaannut inatsisaa.

 

Kapitali 4.
Ingerlatsinermut aalajangersakkat il.il., tamatumunnga ilaallutik immikkut akuersissuteqartarneq,
maalaaruteqartarneq aamma pineqaatissiinissamut periarfissat.

30. Kommunalbestyrelsip alaatsinaassavaa Inatsisartut peqqussutaata nr . 6-ip 19. december 1986-imeersup nunaminertat atorneqarnissaannut aamma pilersaarusiornermut tunngasup, Inatsisartut peqqussutaatigut nr. 1, 18. juni 1987-imeersukkut allanngortinneqartup, aamma nalunaarummit matumannga, kiisalu immikkoortortanut pilersaarusianut aalajangersakkani aamma 33 naapertorlugu pilersaarutit atortuutinneqartut, malitsinneqarnissaat.
Imm. 2. Kommunalbestyrelsip alaatsinaassavaa, peqqussut naapertorlugu peqqussuteqaatit aamma inerteqqutit imm. 1-mi aamma nalunaarummi matumani taaneqartut malinneqarnissaat, aammalu pisinnaatitsissuteqarnerni tunngaviliussat aalajangersarneqartut eqqortinneqarnissaat.
Imm. 3. Kommunalbestyrelse inatsimmik uniuilluni iliortoqarsimaneranik paasisaqarsimaguni, tak. imm. 1 aamma 2, iliuutsip inatsisinik uniuisuujunnaarsinniarneqarnissaa isumagissavaa.
Imm. 4. Naalakkersuisut, kommunalbestyrelsip nakkutilliinermik ingerlatsinerani aalajangersakkanik erseqqinnerusunik, aalajangersaasinnaapput.

31. Immikkoortumut pilersaarummut nalunaarutigineqartumut nikingassutsit annikinnerusumik pingaaruteqartut pillugit kommunalbestyrelse akuersissuteqarsinnaavoq, taamaaliornikkut immikkoortup immikkut ittumik ilisarnaatai aamma pilersaarut naapertorlugu ataatsimut isigalugu atorneqarnera allanngortitsivigineqassanngippata.
Imm. 2. Imm. 1-mi taaneqartunit annertunerusunik nikingassuteqartitsinerit taamaallaat nutaamik immikkoortortamut pilersaarusiornikkut pisinnaapput.
Imm. 3. Kommunalbestyrelse immikkut akuersissuteqarnermigut immikkoortumut pilersaarummi aalajangersakkamik oqartussaasoq pineqartoq akuersiteqqaarnagu sanioq qutsisinnaanngilaq, taassuma imarisai namminersornerullutik oqartussat imaluunniit naalagaaffiup oqartussaatitaannit, isumaqatigiissuteqarnikkut aalajangersarneqarsimappata.
Imm. 4. Aalajangersakkanit, sanilinut imaluunniit eqqaamiunut allanut pingaaruteqartunit, immikkut akuersissutit, soorlu imm. 1-mi taaneqartutut, aatsaat tunniunneqarsinnaapput, kommunalbestyrelsip sanilinut ilisimatitsissuteqarluni nalunaaruteqarnerata kingorna sap. ak. 2 qaangiuppata. Ilisimatitsissummi paasissutissiissutigineqassaaq immikkut ittumik akuersissuteqarfigineqarnissamut sumut qinnuteqaateqartoqarsinnaanersoq, aammalu oqaaseqaataajunnartut sap. ak. 2 qaangiutsinnaqit nassiunneqassasut.
Imm. 5. Taamatuttaaq imm. 1-4 illoqarfiit immikkoortuinut pilersaarusianut 33, imm. 1 aamma 2, naapertorluqit atatiinnarneqartunut sananeqartunulluunniit atorneqartassapput.
Imm. 6. Imm. 4-mut ilassutissanik aalajanqersakkanik erseqqinnerusunik Naalakkersuisut aalajangersaasinnaapput.

32. Kommunalbestyrelsip pissutsinut, Inatsisartut peqqussutaanni nr. 6, 19. december 1986-imeersumiittunut, nunaminertanik atuinermut aamma pilersaarusiornermut tunngasumiittunut, Inatsisartut peqqussutaatigut nr. 1-kkut 18. juni 1987-imeersukkut aamma nalunaarutikkut matumaneersukkut allanngortinneqartoq, aalajangiinera Naalakkersuisunut suliassanngortinneqarsinnaavoq. Maalaarut tunniunneqassaaq kommunalbestyrelsip aalajangiinerata tiguneqarnerata kinqorna kingusinnerpaamik qaammatit 2 qaangiuppata.
Imm. 2. Kommunalbestyrelsip akuersissuteqarneranik tigusisimasoq maalaarut pillugu ilisimatinneqassaaq.
Imm. 3. Imm. 1 malillugu maalaaruteqarnermi Naalakkersuisut aalajangersinnaavaat akuersissut kommunalbestyrelsimit tunniunneqarsimasoq atorneqassanngitsoq. Sanaaq imaluunniit sanaartugaq aallartinneqarsimappat Naalakkersuisut tamatuma unitsinneqarnissaanik aalajangiisinnaapput.
Imm. 4. Naalakkersuisut isumaqarunik maalaarutitut suliassap aalajangiivigineqarnissaanut pissutsip qanoq issusia iluaqutaasinnaasoq, erseqqinnerusumik aalajangiisinnaapput inatsisinik uniuisuujunnaarsinneqarnissaata ilusissaanik.

33. Illoqarfinnut pilersaarutit aamma illoqarfiup immikkoortuanut pilersaarutit manna tikillugu aalajangersakkat atortuusut naapertorlugit pissarsiarineqarsimasut atatiinnarneqassapput, taakkua pilersaarutinik nalunaarut manna naapertorlugu pissarsiarineqartunik taarserneqarnissaasa tungaanut.
Imm. 2. Naalakkersuisut ikaarsaarnissamut erseqqinnerusumik piffissaliussatut aalajangigaanni illoqarfinnut pilersaarutit aamma illoqarfiit immikkoortuinut pilersaarutit sananeqarsinnaapput aammalu aalajangersakkat manna tikillugu atuuttut naapertorlugit akuersissutigineqarsinnaallutik.

34. Naalakkersuisut kommunalbestyrelsit ilitsersuinertigut ikiortassavai aammalu kommunit nalunaarut manna naapertorlugu pilersaarusiornissaanni malittarisassat erseqqinnerusut aalajangersarsinnaallugit.

35. Naalakkersuisut aamma kommunalbestyrelse atuisinnaatitaanermik pigisaqartumik imaluunniit piginnittumik siumut ilisimatitsereernikkut piumasaqarsinnaapput nunaminertamut suugaluartumulluunniit aamma pigisamut namminerisamut, uuttortaanissat aamma allatigut teknikkikkut siumut sulianik pilersaarusiornermut atatillugu, nalunaarut manna naapertorlugu, iserumallutik.

36. Piffissami qanoq ilisukkulluunniit pigisamik piginnittoq imaluunniit nunaminertamik atuisoq pisussaavoq pissutsinik inatsisinik uniuisunik iluarsiinissamut.
Imm. 2. Pissutsinik inatsisinik uniuisunik piginnittoq imaluunniit atuisoq iluarsiinissamut nalunaarummik malinninngippat eqqartuussisut aalajangernerisigut piffissaliussap aalajangikkap iluani pinngitsaalineqarluni naafferartumik akiliisinneqartarnermigut pissutsimik aaqqeeqqullugu pisussanngortinneqarsinnaavoq.
Imm. 3. Eqqartuussisut aalajangernerisigut pissutsinik inatsisinik uniuisunik iluarseeqqusilluni peqqussut, eqqartuussinermi piffissaliussap iluani, malinneqarsimanngippat aammalu pinngitsaaliilluni akiliisitaanerit akilersortinneqarneri naatsorsuutigineqarpata pineqartup peqqussummik malinninnissaanut iluaqutaanngitsut, kommunalbestyrelse, piginnittup akiligassaanik, pissutsip iluarsineqarnissaanut pisariaqartitanik iliuuseqarsinnaavoq.

37. Mianersoqqussuteqarluni imaluunniit akiliisussanngortitsilluni inummut,
1) -nik 26-mik imaluunniit 27-mik uniuisumut,
2) nunaminertap tamanit atorneqarsinnaaneranik atuisitsinngitsoortumut imaluunniit akuerineqaqqaarani nunaminertamik atorneqartussatut tunniussamik atuinermi allanngortitsisumut,
3) kommunimut imaluunniit immikkoortortamut pilersaarummi, aalajangersakkanik imaluunniit 3, imm. 2, naapertorlugu killiliussani akuersissutigineqartuni unioqqutitsisumut,
4) nalunaarut manna naapertorlugu akuersissummut tunngavissat nalunaarutigineqartut pillugit sumiginnaasumut,
5) nalunaarut manna naapertorlugu inerteqqummik imaluunniit peqqussutigineqartumik, tamatumunngalu ilanngullugu pissutsinik inatsisinik uniuisunik iluarseeqqusilluni peqqussutigineqartumik, malinninngitsoortumut, pineqaatissiisoqassaaq.
Imm. 2. Unioqqutitsineq aktieselskab-imit, anpartsselskab-mit, piginneqatigiiffimmit imaluunniit assigisaannit piliarineqarsimappat, ingerlassiviit taamaattutut akiliisussanngortitaasinnaapput.

38. Nalunaarut erngersumik atortuulersinneqarpoq, aammalu tamatuma peqatigisaanik Kalaallit Nunaannut Ministereqarfiup nalunaarutaa nr. 470 26. november 1979-imeersoq Kalaallit Nunaanni illoqarfiit pilersaarusiorneqartarnerisa ilusaannut aamma imarisaannut tunngasoq atorunnaarsinneqarpoq.




Nuuk, ulloq 9. november 1987.




Aqqaluk Lynge

/

Karen Stjernholm