Nunamik atuineq pilersaarusiornerlu pillugit Inatsisartut peqqussutaata nr. 6-ip 19. december 1986-imeersup allannqortinneqarnera pilluqu Inatsisartut peqqussutaat nr. 1 ulloq 18. juni 1987-imeersoq.

Inatsisartut peqqussutaanni nr . 6-imi 19. december 1986-imeersumi makku allanngortinneqarput.

 

1.

Kapitali 7 nutaaq ivertinneqassaaq:

"Kapitali 7.
Sanaartukkanut oqartussaaneq.

21. Namminersornerullutik Oqartussat sanaartukkanut   oqartussaaneq pillugu aalajangersakkat aalajangissavaat, aamma sanaartukkat atortuuteqarfiillu allat sananeqarnissaat, ilusilersornissaat iluarsartuunnissaallu pillugit.

22. Kommunalbestyrelset Namminersornerullutik Oqartussat isumaqatigiissuteqarfiqalugit malittarisassat malillugit sanaartukkanut oqartussaanermut atatilluqu sanaartukkanut oqartussatut suliaqarnerminni akiliuteqartitsisinnaapput.

23. Sanaartukkanut oqartussat eqqartuussivikkut aalajangiinertaqanngitsumik inuit ataasiakkaat pigisaannut isernissaq piumasarisinnaavaat peqqussut tunngaviqaluqu malittarisassat atulersinneqarsimasut unioqqutinneqarsimanersut misissorniarluqu."

 

2.

Kapitali 7, Ataatsimut aalajangersakkat, matuma kingornatassaalissaag Kapitali 8, 24-27.

 

3.

Kapitali 8 atorunnaarpoq taarserneqarlunilu kapitali 9-mik nutaamik.

"Kapitali 9.
Atortuulersitsinissamik aalajangersakkat.

28. Inatsisartut peqqussutaat atortuulerpoq 1. juli 1987.

29. Nunamik atuineq, nuna tamakkerlugu pilersaarusiorneq aamma i1loqarfimmik pilersaarusiorneq illuliortiternerlu pillugit Inatsisartut peqqussutaanni nr. 1-imi 2. februar 1981-imeersumi 25 malillugu malittarisassat atortuuinnassapput, Inatsisartut pegqussutaat malillugu aalajangersagaliornikkut atorunnaarsinneqarnissamik tungaannut.

30. Nunamik atuineq, illoqarfiit a.l 1 i lerneqarneri sanaartorfigineqarnerilu pillugit Kalaallit Nunaannut inatsit nr. 248 8. juni 1977-imeersoq malillugu malittarisassat, takuuk nunamik atuineq, illoqarfiit allilerneqarneri sanaartorfigineqarnerilu pillugit Kalaallit Nunaannut inatsit nr. 612 23. december 1980-imeersoq, 4, imm. 3, atortuuinnassapput peqqussut manna malillugu aalajangersagaliornikkut atorunnaarsinneqarnissamik tungaannut."




Namminersornerullutik Oqartussat, ulloq 18.6.1987




Jonathan Motzfeldt

/

Aqqaluk Lynge