Kalaallit Nunaanni Inatsiartunut ulloq 26. maj 1987-imi qinersinissaq pillugu Inatsisartut inatsisaat nr. 1, 12. marts 1987-imeersoq.

 

1. Kalaallit Nunaanni Inatsisartunut qinersineqassaaq marlunngornermi 26. maj 1987.

2. Ulloq 15. april 1987 sioqqullugu kommunalbestyrelsi inuit kommunemi najugallit ullormi qinersiviusussami qinersisinnaatitaasut nalunaarsorsimaffiannik sanassaaq.
Imm. 2. Qinersisartut ullup qinersinissap nalunaarutigineqarfiata kingorna Kalaallit Nunaanni inoqarfimmut allamut nuuttut inoqarfimmut nuunnissamik tungaanut qinersisinnaatitaasut nalunaarsorsimaffianni allassimasimaffigisimasaminnut allakkatigut taasissapput.
Imm. 3. Inuit Kalaallit Nunaanni Inatsisartunut qinersisarneq pillugu Inatsisartut inatsisaanni nr. 13-imi 19. december 1986-imeersumi 2-mut ilaatinneqartut qinersinissalli nalunaarutigineqarnera sioqqullugu Kalaallit Nunaannit nuussimasut kommunemi qimataminni qinersisinnaatitaasut nalunaarsorsimaffiannut ilanngunneqarumallutik piumasaqarsinnaapput. Taamatut piumasaqarneq kingusinnerpaamik 1. maj 1987 nalunaarutigineqassaaq. Inuit qinersinissap nalunaarutigineqarnerata kingorna Kalaallit Nunaannit nuuttut kommunemut qimataminrtut piumasaqarsinnaapput qinersisinnaatitaasut nalunaarsorsimaffianni allassimaannarumallutik.
Imm. 4. Nuup kommunea inuit kommunet aggornerisa avataanni najugallit ullormi qinersiviusussami qinersisinnaatitaasut rtalunaarsorsimaffiannik immikkut sanassaaq.
Imm. 5. Piffissami 24. aprilimiit 1. majimut 1987 qinersisinnaatitaasut nalunaarsorsimaffiat qinersivimmi kikkunnit tamanit takusarneqarsinnaanngorlugu saqqumitinneqassaaq.

3. Inatsisartunut qinersinermi peqataasinnaatitaapput partiit kingullermik Inatsisartunut qinersinermi ilaasortaatitaqalersut aammalu suli ilaasortaatitaqartut.
Imm. 2. Aammattaaq Inatsisartunut qinersinermi peqataasinnaatitaapput partiit nutaat kingusinnerpaamik ulloq 23. april 1987 nal. 12.00 qinersisartunit 836-nit qinersinermut ataatsimiititaliamut nalunaarutigineqartut, tak. Kalaallit Nunaanni Inatsisartunut qinersisarneq pillugu Inatsisartut inatsisaanni nr. 13-imi 19. december 1986-imeersumi 16, imm. 2.
Imm. 3. Inatsisartunut qinersinermi qinigassanngortitassanik nalunaarutiginninnissamut piffissaq kingullerpaaq tassaavoq ulloq 5. maj 1987 nal. 12.00.

4. -it 1-ip aamma 3-p malitsigisaannik allaanerussutaasut eqqaassanngikkaanni sinnerinut atatillugu Kalaallit Nunaanni Inatsisartunut qinersisarneq pillugu Irtatsisartut inatsisaanni nr. 13-imi 19. december 1986-imeersumi aalajangersakkat atortinneqassapput.
Imm. 2. Qinersinermut ataatsimiititaliaq qinersinerup ingerlanneqarnissaa pillugu malittarisassanik erseqqinnerusunik aalajangersaassaaq, aammalu pisariaqartitsinini naapertorlugu inatsimmi matumani imaluunniit Kalaallit Nunaanni Inatsisartunut qinersisarneq pillugu Irtatsisartut inatsisaanni aalajangersakkat saneqqunneqassasut aalajangiisinnaalluni. Kisianni aalajangersakkat taakku taamaallaat saneqqunneqarsinnaapput qinersinerup isertortumik ingerlanneqarnissaa aammalu qinersinerup ingerlanneqarnera pillugu nakkutilliinissaq tamakkiisumik qularnaarsimaannarneqarpata.

5. Inatsisartut irtatsisaat atortuulerpoq ulloq 12. marts 1987.




Namminersornerullutik Oqartussat, ulloq 12. marts 1987




Jonathan Motzfeldt

/

John E.Jensen