Pinngortitaleriffik pillugu Inatsisartut inatsisaata allanngortinneqarneranik Inatsisartut inatsisaat nr. 13, 29. oktober 1999-imeersoq.

 

1.

Pinngortitaleriffik pillugu Inatsisartut inatsisaanni nr. 6-imi 8. juni 1994-imeersumi makku allannguutigitinneqarput:

1. 6, imm. 3-mi "7" "8"nngorlugu allanngortinneqassaaq.

2. 6, imm. 4 ima oqaasertalerneqassaaq:
"Imm. 4. Siulittaasoq ilaasortallu pingasut naalakkersuisunit toqqarneqassapput, ilaasortat pingasut soqutigisaqaqatigiiffinnit, naalakkersuisunit qinerneqartunit, toqqarneqassapput ilaasortallu marluk Pinngortitaleriffimmi sulisut akornanni sulisunit toqqarneqassallutik."

3. 9-mi imm. 2-tut ikkunneqassaaq:
"Imm. 2. Pinngortitaleriffiup aaqqissuussaanera atorfiillu ilusilersugaanerat pillugit malittarisassat erseqqinnerusut Naalakkersuisut aalajangersarsinnaavaat."

 

2.

Inatsisartut inatsisaat 1. januar 2000 atuutilerpoq.




Namminersornerullutik Oqartussat, ulloq 29. oktober 1999.




Jonathan Motzfeldt

/

Alfred Jakobsen