1999-imi sinerissamut qanittumi raajarniarnermi ilassutaasumik pisassiissutaagallartut pillugit Namminersornerullutik Oqartussat nalunaarutaat nr. 6, 27. maj 1999-imeersoq

Aalisarneq pillugu Inatsisartut inatsisaanni nr. 18-imi, 31. oktober 1996-imeersumi, kingullermillu inatsisartut inatsisaatigigut nr. 6, 20. maj 1998-imeersukkut allanngortinneqartumi, 10, 14, imm. 1, imm. 2 aamma 3, naapertorlugit aalajangersarneqarpoq:

 

Atuuffia

1. Nalunaarut innuussutissarsiutigalugu raajarniarnermut imartani Kalaallit Nunaata aalisarnikkut oqartussaaffigisaani inunnit ingerlatseqatigiiffinnilluunniit aalisarneq pillugu inatsimmi 6 naapertorlugu kalaallit angallataannik, angallatip usitussutsimut uuttuuta malillugu 75/BRT/120 BT-init mikinerusunik, ingerlanneqartumut atuuppoq.
Imm. 2. Taamatuttaaq nalunaarut angallatinut radiukkut attaveqartilluni ima ilisarnaatilinnut atuuppoq: OZJO, OUHK, OUUC, OZTZ, OULB, OVXD, OWES, OYKA, OVOJ, OWMZ aamma OZTJ.
Imm. 3. Nalunaarummi pineqarput qulaani taaneqartut angallatit, 1. januar 1999-imi aamma nalunaarutip atuutilerfiani inuussutissarsiutigalugu raajarniarnermut akuersissuteqartut.

2. Angallatip nalunaarummi matumani usitussutsimut killiliussanik qaangiisimaneranut ataassisimaneranulluunniit usitussutsikkut angissuseq angallatip angissusianut uppernarsaammi allassimasoq aalajangiisuussaaq, uuttueriaatsinik maleruagassat suulluunniit angallatip angissusianut uppernarsaasiinermi atorneqarsimanerat apeqqutaatinnagu.

3. Angallat 30 BRT-init mikinerusoq 1. januar 1999-imilu ukiumut pisassanik, 200 tonsinit ikinnerusunik pisassinneqarsimasoq, pisassanut ilassutinik tunineqassaaq, taamaalilluni angallatip 1999-imi pisassaqarfiusumi ukiumut pisassai katillutik 200 tonsinik amerlassuseqalerlutik. Angallatinut 1. januar 1999-imi ukiumut pisassanik 200 tonsinik imaluunniit taakkunannga amerlanersunik tunineqarsimasunut, pisassanut ilassutinik tunniussisoqassanngilaq.

4. Angallat 30 aamma 39,99 BRT-it akornanni angissuseqartoq 1. januar 1999-imilu ukiumut pisassanik 300 tonsinit ikinnerusunik pisassinneqarsimasoq, pisassanut ilassutinik tunineqassaaq, taamaalilluni angallatip 1999-imi pisassaqarfiusumi ukiumut pisassai katillutik 300 tonsiussallutik. Angallatinut 1. januar 1999-imi ukiumut pisassanik 300 tonsinik imaluunniit taakkunannga amerlanerusunik tunineqarsimasunut, pisassanut ilassutinik tunniussisoqassanngilaq.

5. Angallat 40 aamma 49,99 BRT-it akornanni angissuseqartoq, 1. januar 1999-imilu ukiumut pisassanik 400 tonsinit ikinnerusunik pisassinneqarsimasoq, pisassanut ilassutinik tunineqassaaq, taamaalilluni angallatip 1999-imi pisassaqarfiusumi ukiumut pisassai katillutik 400 tonsiussallutik. Angallatinut 1. januar 1999-imi ukiumut pisassanik 400 tonsinik imaluunniit taakkunannga amerlanerusunik tunineqarsimasunut, pisassanut ilassutinik tunniussisoqassanngilaq.

6. Angallat 50 BRT-inik anginerusoq aamma 75BRT-inik mikinerusoq kiisalu angallatit 1, imm. 2-mi, taaneqartut, 1. januar 1999-imi ukiumut pisassanik 500 tonsinit ikinnerusunik pisassinneqarsimasut, pisassanut ilassutinik tunineqassapput, taamaalilluni angallatip 1999-imi pisassaqarfiusumi ukiumut pisassai katillutik 500 tonsiussallutik. Angallatinut 1. januar 1999-imi ukiumut pisassanik 500 tonsinik imaluunniit taakkunannga amerlanerusunik tunineqarsimasunut, pisassanut ilassutinik tunniussisoqassanngilaq.

7. Angallatinut arlaqartunut akuersissut ataaseq atorlugu aalisartunut, 1. januar 1999-imilu ukiumut pisassanik ataatsimoortumik tunineqarsimasunut, ukiumut pisassat tunniunneqartut angallatinut ataasiakkaanut agguataarneqassapput, angallatit ataasiakkaat usitussutsimut angissusiat naapertorlugu. Agguataarineq tamanna -it 3 - 6 malillugit pisassanut ilassutinik tunniussinermi tunngaviuvoq.

8. Pisassanut ilassutit tunniunneqartut allanut tunniunneqarsinnaanngillat.

9. Nalunaarutip atuutilersinneqarnerani naalakkersuisut angallatinut ilassutinik pisassanik tunineqarsimasunut 1999-imi ukiumut pisassanik nalunaarutit nutaat tunniutissavaat.

 

Atuutilerfia

10. Nalunaarut manna 1. juni 1999 atuutilerpoq. Nalunaarut 1. januar 2000 atorunnaassaaq.




Namminersornerullutik Oqartussat, ulloq 27. maj 1999




Simon Olsen

/

Peder Munk Pedersen