Kalaallit Nunaata peqqinnissaqarfeqarfinnut aggorneqarnera pillugu Namminersornerullutik Oqartussat nalunaarutaat nr. 22, 30. december 1999-imeersoq.

Peqqinnissaqarfiup siulersorneqarnera aaqqissuussaaneralu pillugit Inatsisartut peqqussutaat nr. 7, 30. oktober 1992-imeersoq 15, stk. 3, naapertorlugu aalajangersarneqarpoq:

 

1. Nuna peqqinnissaqarfeqarfinnut aggorneqassaaq, kommuneqarfiit aggorneqarneri qaqugumulluunniit atuuttut naapertorlugit.

2. Paamiut peqqinnissaqarfeqarfianut ilaavortaaq Ivittuut kommuniat.

3. Sisimiut peqqinnissaqarfeqarfiata Kangerlussuaq aamma sullitaraa.

4. Aasiaat peqqinnissaqarfeqarfia aamma Kangaatsiap peqqinnissaqarfeqarfia kattunneqassapput, peqqinnissaqarfeqarfittullu ataatsitut taaneqartassallutik Aasiaat-Kangaatsiallu peqqinnissaqarfeqarfiat. Peqqinnissaqarfeqarfik Aasianniit aqunneqassaaq.

5. Qaanaap peqqinnissaqarfeqarfiata Pituffik aamma sullitaraa.

6. Nalunaarut una 1. januar 2000 atortuulissaaq.
Imm. 2. Tamatumunnga peqatigitillugu Kalaallit Nunaata peqqinnissaqarfeqarfinnut aggorneqarnera pillugu nalunaarutaat nr. 6, 30. marts 1993-imeersoq atorunnaarpoq.




Namminersornerullutik Oqartussat, ulloq 30. december 1999




Alfred Jakobsen

/

Martha S. Abelsen