Inissialiornermut tapersiissuteqartarneq pillugu inatsisartut peqqussutaata allanngortinneqarneranik inatsisartut peqqussutaat nr. 3, 29. oktober 1999-meersoq.

 

1.

Inissianik attartorneq pillugu Inatsisartut peqqussutaanni nr. 3-mi 13. juni 1994-imeersumi, Inatsisartut peqqussutaatigut nr. 10-kkut 6. november 1997-imeersukkut kingullermik allan-ngortiterneqartumi, makku allannguutigitinneqassapput:

1. 4 imatut oqaasertalerneqassaaq:
" 4. Namminersornerullutik Oqartussat kommunillu illuutaanni inissiat atorneqanngitsut inissarsiorlutik utaqqisut allattorsimaffiiniittunut innersuunneqartassapput, taamaattorli tak. imm. 2 aamma 4.
Imm. 2. Taamaattorli imm. 1-imi taaneqartutut utaqqisut allattorsimaffiiniittunut innersuussineq pitinnagu ukununnga tulleriinneri malillugit innersuussisoqartassaaq:
1) inissiat peerlugit nutaanik sanaartornermut nutarterinermullu atatillugu Namminersornerullutik Oqartussat kommunillu inissaqartitsinissamik pisussaaffiisa eqqortinneqarnissaannut inissianut atugassanut, aamma
2) inissianut siusinnerusukkut 21, imm. 2 malillugu inissaqartinneqarnermik qularnaarivigineqarnerup eqqortinneqarnissaanut atugassanut.
Imm. 3. Inissiat peerlugit nutaanik sanaartornermut, nutarterinernut inissaqartitsinissamillu qularnaarivigineqarnermut atatillugu inissiat innersuussutigineqartut angissutsimikkut, inissisimanermikkut atortulersugaanermikkullu kiisalu inissiamut qimakkallakkamut akiliutaasarsimasunut naapertuuttuunissaat anguniarneqartassaaq, tak. imm. 2.
Imm. 4. Inissaqartitsinissamik pisussaaffiit inissaqartitsinissamillu qularnaarivigineqarnerit eqqortinneqareerpata imm. 1-imi taaneqartutut utaqqisut allattorsimaffiiniittunut innersuussinissaq sioqqullugu inissiat inoqanngitsut imatut tulleriinnilerlugit innersuunneqartassapput:
1) suliffeqarfiit sulisunut inissianik pisinnaatitaasut sulisuinut inissianik innersuussineq, tak. imm. 5.
2) inissiat inuttut atugarisatigut ajornartorsiuteqartunut kommunit pisariaqartitaannik innersuussineq, tak. imm. 6, aamma
3) nammineq kissaatigalugu nuukkusuttunut inissianik innersuussineq, matumani inissianik paarlaateqatigiittarneq ilanngullugu eqqarsaatigalugu.
Imm. 5. Kommunini ataasiakkaani sulisunut inissiat naalakkersuisut inissiat qassiunissaannik aalajangersagaat malillugit agguataarneqartassapput.
Imm. 6. Inuttut atugarisatigut ajornartorsiuteqartunut inissianik innersuussisinnaatitaanini kommunip atorumappagu inissiap kommunimut atugassanngortinneqarneranit inissiap innersuunneqarnissaata tungaanut ineqarnermut akiliutit inissiamullu atatillugu aningaasartuutit allat kommunip akilersortassavai. Aammattaaq attartortoq isumaginninnermi inatsisit malillugit isumaginninnikkut pisartakkanik tigusartagaqarpat inissiamik attartornermut atatillugu isumaqatigiissummik attartortup eqqortitsinissaa kommunip qularnaveeqqusiisuuffigissavaa.
Imm. 7. Inissiat imm. 4 naapertorlugu siunertanut assigiinngitsunut qanoq agguarneqassanersut, kommunit ataasiakkaat isumaqatiginiareerlugit, naalakkersuisut aalajangersassavaat, taamatuttaarlu Namminersornerullutik Oqartussat kommunillu inissiaataasa innersuunneqartarnerat attartortinneqartarnerallu pillugit malittarisassat erseqqinnerusut naalakkersuisut aalajangersassallugit, matumani utaqqisut allattorsimaffiannut allatsinnermut akiliutit akilersinniarneqartarnerat ilanngullugu eqqarsaatigalugu.
Imm. 8. Kommunini sulisunut inissiat inissianut attartortittakkanut tamarmiusunut sanilliullugit amerlaffigisaanni imm. 4 malillugu inissianik inoqanngitsunik innersuussisarnermi tulleriiaarisarneq pillugu Namminersornerullutik Oqartussat kommunillu akornanni innersuussisarnermut immikkut isumaqatigiissuteqartoqarsinnaavoq."

2. 14, imm. 3 imatut oqaasertalerneqassaaq:
"Imm. 3. Attartornerup nalaani inissiani qilaat qeqorneqartarnissaat, iikkat qalipanneqartarnissaat aamma/imaluunniit tapetilersorneqartarnissaat naqqillu lakkerneqartarnissaat attartortumit isumagineqartarlutillu akilerneqartassapput."

3. 14, imm. 4 imatut oqaasertalerneqassaaq:
"Imm. 4. Attartortup atortunik ikkussuisinnaanerminut, iluarsaassisarnissaminut allanngortiterisarnissaminullu il. il. aammalu aningaasartuutigisimasaminik inigisaminit nuunnermini utertitsisinnaanerminut periarfissai pillugit malittarisassat erseqqinnerusut naalakkersuisunit aalajangersarneqartassapput."

4. 21 imatut oqaasertalerneqassaaq:
" 21. Namminersornerullutik Oqartussat kommunillu inissiaataannik attartortittakkanik attartortoq immikkut pisoqartillugu imm. 3 naapertorlugu inigisaminik piffissami aalajangersimasumi allamut attartortitsisinnaavoq imaluunniit inisimasunut ineeqqamik attartortitsisinnaalluni.
Imm. 2. Attartortoq inigisaminik piffissami aalajangersimasumi allamut attartortitsinngikkaluarluni piffissap peqanngiffiup naanerani inissaminik allamik innersuunneqarnissani qularnaarlugu attartornerminik atorunnaarsitsisinnaavoq, tak. 4, imm. 2, nr.2.
Imm. 3. Piffissami aalajangersimasumi allamut attartortitsinermut, inisimasunut ineeqqamik attartortitsinermut aammalu inissamik qularnaarinermut tassungalu ilanngullugu inuit kikkut pineqarnerinut, immikkullu pisunut piffissami aalajangersimasumi allamut attartortitsisinnaanertut imaluunniit inissiamik qularnaarinertut tunngavilersorneqarsinnaasunut, tak. imm. 1 aamma 2, malittarisassat erseqqinnerusut naalakkersuisunit aalajangersarneqassapput."

5. 34, imm. 2 imatut oqaasertalerneqassaaq:
"Imm. 2. Inigisaq qimanneqarpat qilaava qequmik qalipanneqarluni, iigai qalipanneqarlutik tapetilersorneqarlutilluunniit aammalu eqqiarneqarluni nalinginnaasumik iluarsaanneqassaaq. Naqqi nutaamik lakkersimassapput, tak. 14, imm. 3. Nalinginnaasumik iluarsaassinissaq attartortup nuunnerminut atatillugu nammineq suliariumappagu tamanna attartornerup siumut piffissaliilluni atorunnaarsinneqarnissaa imaluuunniit piffissaleereernani atorunnaarsinneqarnissaa sioqqullugu inigisap qimanneqannginnerani iluarsaassineq sanasut suliarisaattut illersorneqarsinnaasumik pitsaassuseqartillugu suliarineqartassaaq, tak. imm. 4."

6. 34-mi imm. 4-tut una ikkunneqassaaq:
"Imm. 4. Attartortup nuunnerminut atatillugu nammineerluni nalinginnaasumik iluarsaassineranut, tak. imm. 2, aningaasartuutaasa utertinneqartarnissaat pillugu malittarisassat erseqqinnerusut Naalakkersuisunit aalajangersarneqartassapput."

7. 9, imm. 4 imatut oqaasertalerneqassaaq:
"Imm. 4. Najugaqartut sinniisaat pisinnaatitaapput najukkap ingerlanneqarneranut apeqqutit pingaarutillit tamaasa attartortitsisumut oqaloqatigiissutigissallugit, aammalu ingerlatsinermut naatsorsuutit tigunissaannut pitsanngorsaatissatullu siunnersuuteqarnissaminnut pisinnaatitaallutik, peqatigitillugu pitsanngorsaanerup suliarineqarnissaanut ingerlatsinermi aningaasartuutit aningaasalersornissaannut periarfissat innersuussutigineqarpata."

8. 30, imm. 2 imatut oqaasertalerneqassaaq:
"Imm. 2. Nutarterinerup imaluunniit inissiat peerlugit nutaanik sanaartornerup kingunerisaanik Namminersornerullutik Oqartussat kommunilluunniit attartorneq atorunnaarsippassuk, tak. imm. 1, nr. 2, attartortoq inissaanik allamik innersuunneqassaaq, tak. 4, imm. 3. Inissiamik allamik innersuussisussaatitaaneq taamaallaat atuutissaaq attartortoq attartornermut isumaqatigiissummik atorunnaartumik malinnissimappat."

9. 35, imm. 1, naggat kingulleq imatut oqaasertalerneqassaaq:
"Attartortoq misissuinissamut peqataaqqullugu allakkatigut ullunik arfineq marlunnik sioqqutsisumik qinnuigineqassaaq."

 

2.

Peqqussut 1. januar 2000 atuutilerpoq.




Namminersornerullutik Oqartussat, ulloq 29. oktober 1999.




Jonathan Motzfeldt

/

Steffen Ulrich-Lynge