Suliffissarsiuussisarneq pillugu Inatsisartut peqqussutaata allanngortinneqarneranik Inatsisartut peqqussutaat nr. 9, 29. oktober 1999-imeersoq.

 

1

Kalaallit Nunanni suliffissarsiuussisarneq pillugu Inatsisartut peqqussutaanni nr. 11, 16. december 1988-imeersumi uku allanngortinneqassapput;

1. 20-p kingorna ilanngunneqassaaq:
" 20a. Naalakkersuisut misiliilluni aaqqissuussinernik ingerlatsisarnissamut maleruagassiorsinnaapput, suliffissaaleqinerup akiorneqarnissaa aammalu suliffissarsiuussisarfiit ingerlanneqarneranni pisariillisaanerit ineriartortitseqqinnerillu siunertaralugit. Misiliilluni aaqqissuussinerit suliffissaaleqisut ataatsimoortukkaarlugit siunissamut pilersaarusiuunnerannik, ataatsimoortukkaarlugit allatigut sulisinnaanngorsaanernik, internet atorlugu sulisussarsiortarnermik kommunillu suleqatigalugit aaqqissuussinernik il.il. imaqartinneqarsinnaapput.

 

2

Inatsisartut peqqussutaat manna januaarip aallaqqaataani 2000-imi atortuulersinneqarpoq.




Namminersornerullutik Oqartussat, ulloq 29. oktober 1999.




Jonathan Motzfeldt

/

Mikael Petersen