Umimmaat illersugaanerat pillugu Namminersornerullutik Oqartussat nalunaarutaat nr. 9, 8. februar 2001-imeersoq.

 

Kalaallit Nunaanni pinngortitamik allanngutsaaliuineq pillugu Inatsisartut inatsisaanni nr. 11-mi 12. november 1980-imeersumi, 2 aamma 19 aamma Piniarneq aallaaniarnerlu pillugit Inatsisartut Inatsisaanni nr. 12, 29. oktober 1999-imeersumi, 2, imm. 3 - 4, 8, 11-12, 17-18, malillugit aalajangersarneqarput.

 

Atuuffii

1. Nalunaarut manna Kalaallit Nunaanni umimmaat (ovibus moskuschatus) illersorneqarnissaannut atuuppoq. Umimmat nuna tamakkerlugu eqqissisimatitaapput, 2-mi piniarneqarsinnaaneri pillugit aalajangersakkat eqqaassanngikkaanni.
Imm. 2. Nalunaarut manna naapertorlugu pisassiissutinik agguaassineq kiisalu piniarsinnaanermut akuersissummi piumasarineqartut allat umimmaat piniagaanerat pillugu Namminersornerullutik Oqartussat nalunaarutaanni aamma akiliuteqarluni aallaaniarneq aalisarnerlu pillugit Namminersornerullutik Oqartussat nalunaarutaanni malittarisassaqartitaapput.

 

Pisassiissutinik, piffissanik sumiiffiinnillu piniarfiusinnaasunik aalajangersaasarneq

2. Uumassusilinnut tunngassuteqartunik siunnersuisitseqqaarluni Pinngortitamut Naalakkersuisup umimmaat pisassiinikkut pinigaanissaannut pisassiissutit aalajangersarsinnaavai.
Imm. 2. Pisassiissutit uumasunut tunngasunik pissuteqartumik uumasut suiaassusiinut ukioqqortussusiinullu aalajangersimasunut killilerneqarsinnaapput aamma pisassiissutinut ikinnerusunut, nunani piniarfissani piffissanilu piniarfiusussani killilikkani pisarineqartussanut, agguataarneqarsinnaapput.
Imm. 3. Qaanaap kommuniani inuussutissarsiutigalugu aamma sunngiffimmi piniarnermi kiisalu akiliuteqarluni aallaaniarnermi pisassiissutinik piniarneq piffissami 1. augustimit 20. septemberimut akuerineqarsinnaavoq.
Imm. 4. Kitaani inuussutissarsiutigalugu aamma sunngiffimmi piniarnermi pisassiissutinik piniarneq piffissap 1. februar - 10. marts iluani aamma 1. augustimit 20. septemberimut akuerineqarsinnaavoq. Akiliuteqarluni aallaaniarneq piffissap 11. marts - 11. aprilip aamma 1. - 25. julip iluanni akuerineqarsinnaavoq.
Imm. 5. Ivittuut Kommunianni inuussutissarsiutigalugu aamma sunngiffimmi piniarnermi kiisalu akiliuteqarluni piniarnermi pisassiissutinik piniarneq piffissani 1. - 31. martsimut, 15. julimit 15. augustimut aamma 1. - 30. novemberimut akuerineqarsinnaavoq.
Imm. 6. Ittoqqortoormiit kommunianni inuussutissarsiutigalugu aamma sunngiffimmi piniarnermi kiisalu akiliuteqarluni aallaaniarnermi pisassiissutinik piniarneq piffissani 10. augustimit 10. septemberimut aamma 10. novemberimit 10. decemberimut akuerineqarsinnaavoq.
Imm. 7. Piniarneq pillugu Siunnersuisoqatigiit aamma kattuffiit suliamut attuumassuteqartut pisassiissutit pillugit aamma sumiiffinnut piniarfiusussanut piffissanullu piniarfiusussanut killilersuutinut tunngasuni apeqqutini tusarniarneqassapput, takuuk imm. 1 - 6.
Imm. 8. Ukiumoortumik pisassiissutit kiisalu tamatumani atugassarititaasut isumaqatigiissutigineqartut piffissap umimmanniarfissap aallartinnginnerani nuna tamakkerlugu tusagassiorfitsigut tamanut saqqummiunneqassapput.

 

Piniariaatsit

3. Umimmanniarnermi qoorortuut kisimik atorneqassapput. Qorortuut atorneqarsinnaatitaasut sullukinnersaat 6,5 x 55 kaliberiuvoq. Qoorortuup imassai qaartartoqanngitsut (hel mantel) atorneqassapput. Qoorortuut eqittaannartakkat nutsuinnartakkallu umimmanniarnermi atorneqarnissaat inerteqqutaavoq, piniarneq aallaaniarnerlu pillugit Inartsisartut inatsisaanni nr. 12, 29. oktober 1999-imeersumi 9, imm. 1 naapertorlugu.
Imm. 2. Taamaattorli akiliuteqarluni aallaaniarnermi atorneqartussaq sullukinnerpaaq 7,62 mm-iussaaq (30-06) aamma imassat qaartartoqanngitsunit allaanerusut atorneqarsinnaapput.
Imm. 3. Piniartup kialuunniit piniarneq aallartitsinnagu aallaasip nakersarsimanissaa pitsaasuunissaalu isumagissavai.
Imm. 4. Umimmanniarnermi qimmit nassatareqqusaanngillat. Taamaattoq qimmeqarfiusuni ukiuunerani piniarnermi qimussit assartuutitut atorneqarsinnaapput.
Imm. 5. Umimmaat ungoorneqarnerini assartuutit atoqqusaanngillat aamma assartuutinit umimmanniartoqaqqusaanngilaq.

 

Umimmammik pissatamik toqutsineq

4. Umimmanniarnerup nalaani umimmammik pissaasup pisussaaffigaa sapinngisamik sukkanerpaamik taassuminnga toqutsinissani. Piniartup pisussaaffigaa umimmaap eqqorneqarnermi kinguninnguagut toqusimanera nalorninaatsumik paasissallugu.
Imm. 2. Piniartup umimmammik pissatamik ujarlernini pisariaqartitsineq naapertorlugu pissaanerup kingorna ullup unnuallu ingerlanerata sinnerani ingerlattariaqarpaa aamma umimmak pissataq nanineqartinnagu toqunneqartinnagulu allanik umimmanniartoqassanngilaq.
Imm. 3. Umimmak pissanneqartoq nanineqarnanilu toqunneqanngippat, piniartoq piniarnerup naammassineqarnerata kinguninnguagut Pinngortitamut Pisortaqarfimmut pissutsinik piviusunik ilisimatitsissaaq.

 

Pinngortitami uumassusilinnik misissuinernut nalunaaruteqartarneq

5. Umimmanniarmut akuersissummut tunngatillugu pisanik nalunaarsukkanik nassitsisarnissamik piumasaqarsinnaaneq piumasarineqartunut ilanngunneqarsinnaavoq aamma pinngortitami uumassusilinnik nujuartanik ilisimatuussutsikkut misissuinermi atugassanik il.il. tunniussisarnissaq.
Imm. 2. Pisanik nalunaaruteqarneq imaluunniit pisanik nalunaarsuutinik kommunimut tunniussineq piniarnerup naammassinneqarnerata kingornagut kingusinnerpaamik sapaatip akunnerisa pingasut qaangiunneranni pissaaq. Tamatuma kingorna paasissutissat ataatsimoortillugit piniarnerup naammassineqarnerata kingornatigut kingusinnerpaamik sapaatip akunnerisa arfinillit qaangiunneranni kommunimit Pinngortitaleriffimmut nassiunneqassapput.

 

Uumatillugit tigusinerit nuussinerillu

6. Naalakkersuisut akuersiteqqaarsimatinnagit umimmaat nuunneqarnissaat, ilisimajunnaarsinneqarnissaat tiguneqarnissaallu aammalu ungalusat iluiniitinneqarnissaat inerteqqutaavoq.

 

Kommunimi ileqqoreqqusaq

7. Kommunimi ileqqoreqqusakkut kommunalbestyrelsi 2, imm. 2 - 6 naapertorlugit amerlanerusunik piumasaqaateqarsinnaavoq nalunaarummi aalajangersakkanit sakkortunerusunik. Kommunimi ileqqoreqqusaq Pinngortitamut Naalakkersuisumit atuutilersinneqassaaq.

 

Immikkut akuersissuteqartarneq

8. Ilisimatusarnikkut siunertanut ilanngullugu ilisimatusarnermut atatillugu piniarsinnaanermut Pinngortitamut Pisortaqarfik immikkut akuersissuteqarsinnaavoq.
Imm. 2. Umimmaat navianartorsiortitsisut imaluunniit angallannermut atatillugu annertuumik akornusersuisut allatut aaqqiissutissanik iluatitsisoqarsimatinnagu toqunneqarsinnaapput.
Imm. 3. Umimmammik allamit pissanneqarsimasumik sulilu ummasumik takunnittup ajornanngippat umimmak toqussavaa nikisinnagulu qimallugu. Taamatuttaaq umimmak toqungasoq siumorneqartoq nikisinneqarani qimanneqassaaq.
Imm. 4. Imm. 2 - 4, naapertorlugit umimmaat toqutat Namminersornerullutik Oqartussanut pigisassanngortinneqassapput. Umimmammik pisaqarnermi akisussaasup pisussaaffigaa piniarnerup ingerlasimanera Avatangiisinut Pinngortitamullu Pisortaqarfimmut nalunaarutigissallugu.

 

Pineqaatissiinerit

9. 2, imm. 3-6 aamma -ini 3-mit 7-mut aalajangersakkanik unioqqutitsinerit akiliisitsinermik pineqaatissiissutaasinnaapput.
Imm. 2. 2, imm. 3-6, 3 kiisalu 7 unioqqutillugit umimmattat Naalagaaffiup karsianut tuniussassanngorlugit arsaarinnissutigineqarsinnaapput.

 

Atuutilerfia il.il.

10. Nalunaarut una atuutilerpoq 15. februar 2001.
Imm. 2. Peqatigitillugu umimmaat eqqissisimatitaanerat piniagaanerallu pillugit Namminersornerullutik Oqartussat nalunaarutaat nr. 11, 26. juni 1999-imeersoq atorunnaarsinneqarpoq.




Namminersornerullutik Oqartussat, ulloq 8. februar 2001




Alfred Jakobsen

/

Hans J. Hyer