KNI A/S pillugu Inatsisartut peqqussutaata allanngortinneqarneranik Inatsisartut peqqussutaat nr. 1, 31. maj 2001-imeersoq. (Aktiaatinik il.il. nioqquteqarsinnaanermut piginnaatitsineq).

 

Pilersuineq, angalanneq, angallassineq, allakkerineq il.il. pillugit Kalaallit Nunaanni inatsit nr. 469, 6. november 1985-imeersoq naapertorlugu aalajangersarneqarpoq:

 

1.

KNI A/S pillugu Inatsisartut peqqussutaanni nr. 4, 6. juni 1997-imeersumi makku allanngortinneqarput:

 

1. 1-imi imm. 6-itut ilanngunneqassaaq:
" Imm. 6. Aktiaateqarluni ingerlatseqatigiiffiit pillugit inatsimmi 2 naapertorlugu ingerlatseqatigiiffiup aqutsisup ingerlatseqatigiiffimmik aqutamut attuumassuteqarneratut ittumik Namminersornerullutik Oqartussat ingerlatseqatigiiffinnut imm. 3-imi taaneqartunut attuumassuteqartillugit peqqussut manna atuuttassaaq."

2. 3-p kingorna 3 atut ikkunneqassaaq:
" 3 a. KNI A/S-ip ingerlatseqatigiiffiit aqutaanni aktianik nioqquteqarnissaminnut imaluunniit ingerlatseqatigiiffiit taakku kattussinikkut agguinikkulluunniit il.il. suliffeqarfimmik tigusinermut peqataanissaannut akuersinissaminnut naalakkersuisut piginnaatinneqarput.
Imm. 2. KNI A/S-ip ingerlatseqatigiiffiit aqutaani aktianik nioqquteqarneq imaluunniit ingerlatseqatigiiffiit taakku kattussinikkut agguinikkulluunniit il.il. suliffeqarfimmik tigusinermut peqataanerat pisinnaavoq iliuuseqarnerup kingorna aktiaateqarluni ingerlatseqatigiiffiit pillugit inatsimmi 2 naapertorlugu ingerlatseqatigiiffiup aqutsisup ingerlatseqatigiiffimmik aqutamut attuumassuteqarneratut ittumik Namminersornerullutik Oqartussat ingerlatseqatigiiffimmut attuumassuteqarnerunnaarnerat naapertorlugu."

 

2.

Inatsisartut peqqussutaat ulloq 1. juni 2001 atuutilerpoq.




Namminersornerullutik Oqartussat, ulloq 31. maj 2001




Jonathan Motzfeldt

/

Simon Olsen