Inissiani attartortittakkani ineqarnermut tapiissutit pillugit Inatsisartut peqqussutaata allanngortinneqarneranik Inatsisartut peqqussutaat nr. 13, 12. november 2001-imeersoq (aningaasalersuineq)

 

1.

Inissiani attartortittakkani ineqarnermut tapiissutit pillugit Inatsisartut peqqussutaanni nr. 3-mi 31. maj 2001-imeersumi makkua allannguutigitinneqarput:

1. 13 ima oqaasertalerneqassaaq:
13. "Peqqussut manna naapertorlugu ineqarnermut tapiissutinut aningaasartuutit 40%-ii kommunimit aammalu 60%-ii Nunatta Karsianit aningaasartuutigineqassapput.
Imm. 2. Naatsorsuutinik saqqummiussineq kukkunersiuinerlu pillugit malittarisassat Naalakkersuisunit aalajangersarneqassapput."

 

2.

Inatsisartut peqqussutaat manna 1. januar 2002-mi atortuulerpoq.




Namminersornerullutik Oqartussat, ulloq 12. november 2001




Jonathan Motzfeldt

/

Ole Dorph


Nassuiaatit

Isumaliutissiissut