Kalaallit Nunaanni namminersorluni inuutissarsiuteqarneq pillugu Inatsisartut inatsisaata allanngortinneqarneranik Inatsisartut inatsisissaannut nr. 2, 31. maj 2001-imeersussamut siunnersuut. (Inuussutissarsiuteqarsinnaanermut allagartartaarsinnaatitaanermut piumasaqaatit).

 

1.

Kalaallit Nunaanni namminersorluni inuutissarsiuteqarneq pillugu Inatsisartut inatsisaanni nr. 8-mi, ulloq 16. november 1984-imeersumi 4-mi imm. 3-tut ilanngunneqassaaq:

"Imm. 3. Danskisut innuttaassuseqarnissamik Kalaallit Nunaannilu najugaqarnissamik imm. 1-imi, tak. 3, imm. 1, nr. 1 aamma 2, piumasaqaatit aktiaateqarluni piginneqataassuteqarlunilu ingerlatseqatigiiffinni Erhvervs- og Selskabsstyrelsimi nalunaarsorneqarsimasuni pisortanut siulersuisunullu ilaasortanut atuutissanngillat, tamanna nunat tamalaat akornanni isumaqatigiissummik imaluunniit aalajangersakkanik Naalakkersuisunit aalajangersarneqartuni tunngavissaqartillugu."

 

2.

Inatsisartut inatsisaat ulloq 1. juni 2001 atuutilerpoq.




Namminersornerullutik Oqartussat, ulloq 31. maj 2001




Jonathan Motzfeldt

/

Simon Olsen